Benutzer:W-j-s/Werchstatt

Löschnazi

Löschnazi isch e polemische Begriff, wo vu Kritiker vu dr in dr ditsche Wikipedia in Weblogs un Internetfore gegeniber vu Administratore vz dr ditsche Wikipedia verwendet wird, wo neji Artikel wäge ageblich nit vorhandene Quelle oder nit vorhandener Relevanz lösche. Zue in sällem Zämmehang verwendete Begriff Löschwahn het sich au dr Begriff Löschnazi bi dr Kritiker vu sällere Praxis etabliert.

Hindergrund

Relevanz: Exclusionismus gege Inclusionismus

Relvanz losst sich uf zwei Arte definiere. Im klassische Volkslexikon isch relevant, was grad vili interessiert. Säll isch sinnvoll, wenn s'Medium Platz spare muess, wil's z.B. druckt wird. Ahänger vu sällere Philosophi nennt mer dorum Exclusionischte, vum latinische Begriff fier Usschluss,wil si im Zwifel lösche. Inclusionischte degege sähe as relevant a, was fiers Thema sälber relevant isch, uabhängig devu, ob s'Thema populär oder exotisch isch.

Exclusionismus isch bi klassische, druckte Lexika e Notwendigkeit, bi Wikis aber absurd. Wikis sin offe, per se immer ufertig un es kommt bi Information z'allererscht uf Plausibilität a un no erscht uf d'Reputation vu dr Quelle.

In dr ditsche Wikipedia nimmt mer sich offebar immer meh e druckts Lexikon zum Vorbild und verlosst immer meh s'Prinzip vum Wiki. Zum eine werre ufertigi Artikel immer wäniger duldet - obwohl jo grad ufertigi Artikel zum Mitmache un verbessere arege solle, zum andere füehrt's dezue, dass plausibli Schlussfolgerige as "Original Research" zwar glöscht wird, aber dr gröscht Schwachsinn ibernumme, wenn numme irgend e "reputabli Quelle" sälle verzapft. So wird bi Kinshasa e Iwohnerzahl vu 8.096.254 am 1.Jänner 2006 agä. E absurd gnaui Schätzig fier e Stadt ime Land, wo dr Staat nit funktioniert un wo erscht rächt kei Iwohnermeldeamt het.

Politischi Interesse

Grad bi politische un gsellschaftlich relevante Theme isch in dr ditsche Wikipedia meh un meh z'beobachte, wie interessierti Kreise missliebige Meinige iber Schnelllöschige underdrucke oder underschidlichi Sichtwiise vu bestimmte gesellschaftliche Zämmehäng nit dulde.

Mitunter wird bi Schönschriberei rächt subtil vorgange. E scheens Bispil defir isch Maragarita Mathiopoulos, wo ebber im Summer anno 2007 die eigetlich relevante Informatione zue dere Pesron peu à peu durch die offiziell Biographi vu dr Homepage vu Frau Mathiopoulos ersetzt het. (D'Beruefig vu dr Frau Mathioupolos as SPd-Spercheri durch dr Willy Brandt isch sinerzit dr Uslöser fir dr Rucktritt vum Brandt vum SPD-Vorsitz gsi, un gnau säll het im schön gschribene Artikel no gfählt.) Dr Artikel isch no dur d'Qualitätssicherig halbgsperrt worre, aber es zeigt, wie afällig Wikipedia un s'Wiki-System fier Missbruch isch, wemmer nit uffbasst oder wenn sich zwei guet glich grossi Gruppe e Strit lifere.

Popkultur

Ebefalls im Visier vu dr Löscher sin vili Artikel zue dr Popkultur. Offesichtlich hän d'Reschte vum ditsche Bildigsbürgerdum die ditsch Wikipedia as ihr Tummelplatz erchennt un wenn jetz im Rescht vum ditsche Sprochrum ufdrucke, was relevant isch und was nit.