D Belaagerig vo Stroossburg

D Belaagerig vo Stroossburg
Deil vo: Dütsch-Franzöösische Chrieg
„Der Krieg: Fall von Straßburg - Französische Gefangene verlassen die Stadt“ (us dr Illustrated London News vom 15. Oktober 1870)
Datum 15. August 1870–28. Septämber 1870 Ort Stroossburg, Frankriich Usgang Dütsche Siig
Konfliktparteie
Dütsches Riich Bade Württebärg	Frankreich S Zwäite franzöösische Kaiserriich
Befählshaber
Dütsches Riich August von Werder	Frankreich Jean-Jacques Uhrich
Truppesterki
50'000	23'000
Verlust
39 Offizier, 893 Maa	2500 Dooti und Verwundeti, ~ 17'000 Chriegsgfangnigi (doodrvo 500 Offizier), 1500 dooti und verwundeti Iiwooner

Schlachten und Belagerungen des Deutsch-Französischen Krieges (1870–1871)

Weißenburg – Spichern – Wörth – Colombey – Straßburg – Toul – Mars-la-Tour – Gravelotte – Metz – Beaumont – Noisseville – Sedan – Sceaux – Chevilly – Bellevue – Artenay – Châtillon – Châteaudun – Le Bourget – Coulmiers – Amiens – Beaune-la-Rolande – Villepion – Loigny und Poupry – Orléans – Villiers – Beaugency – Hallue – Bapaume – Villersexel – Le Mans – Lisaine – Saint-Quentin – Buzenval – Paris – Belfort

D Belaagerig vo Stroossburg isch en Episode im Dütsch-Franzöösische Chrieg 1870/71 gsi. Si isch mit dr Kapitulazion vo dr franzöösische Festig am 28. Septämber 1870 z Änd gange.

Hindergrund

Noch dr Schlacht bi Wörth het dr Chronbrinz Friedrich vo Pröisse em pröissische General August von Werder befoole noch Süde gege Stroossburg vorzrücke. Zu dere Zit isch Stroossburg (näbe dr Festig Metz) as die sterksti franzöösischi Festig bzw. as äini vo de Stedt, wo am sterkste verdäidigt worde si, iigschetzt worde. Dr Festig isch wäge iirer Laag und dr relativ schwache Bsatzig äigetlig kä Broblem gsi für die dütschen Operazione, wo witer im Norde stattgfunde häi. Si isch hauptsächli aagriffe worde, wil die Dütsche Aaspruch uf die alti Riichsstadt erhoobe häi und wil si Unrueje in dr Region häi welle verhindere.

D Belaagerig

Im Werder si Armee het us 40'000 Soldate us Württebärg und Bade bestande. D Franzoose under em Jean-Jacques Uhrich si zerst 7000 Maa stark gsi, häi aber schliesslig e Sterki vo 23'000 Maa ghaa. Am 12. August häi die Dütsche d Stadt iigschlosse, und häi am 23. August d Stadt sälber afo bombardiere und schweeri Schääde verursacht, under anderem am historische Stroossburger Münster. Wo dr Werder gsee het, ass dr Uhrich nit will kapituliere, häi si mit em Bombardiere ufghöört und afo die franzöösische Stellige rund um d Stadt eroobere. Am 11. Septämber isch e Schwizer Delegazion uf Stroossburg cho, zum Chinder, Fraue, Alti und Chranki z ewakuiere. D Schwizer häi de Iiwooner au vo dr franzöösische Niiderlaag in dr Schlacht bi Sedan brichdet und d Hoffnig, ass Versterkig wurd cho, isch verschwunde. Druf isch au in Stroossburg d Republik usgrüeft worde. Dr Uhrich het aber immer nonig welle kapituliere, erst am 28. Septämber het er sich ergää.

D Folge

Mit em Fall vo Stroossburg het dr Werder si Armee chönne iisetze, zum s Elsass z eroobere und Operazione im südöstlige Frankriich uszfüere. Under anderem häi d Drubbe as Däil vom nöie XIV. Armeekorps am 3. Novämber 1870 mit dr Belaagerig vo Belfort aagfange.

Litratuur

• Ralf Bernd Herden: Straßburg Belagerung 1870. Book-on-Demand, Norderstedt 2007, ISBN 978-3-8334-5147-8.
• Carl Bleibtreu: Belagerung von Straßburg 15. August bis zum 28. September 1870. Reprint 1910/2009 Verlag Rockstuhl, Bad Langensalza, ISBN 978-3-86777-074-3.
• Theodor Fontane: Der Krieg gegen Frankreich 1870/71 - Band 1. Verlag Rockstuhl, Bad Langensalza Reprint 2004/2009 (1. Uflaag: Berlin 1873), ISBN 978-3-937135-25-0.
• Justus Scheibert: Der Krieg zwischen Frankreich und Deutschland in den Jahren 1870/71. 2. Uflaag. Berlin 1891.

Weblingg

 Commons: D Belaagerig vo Stroossburg – Sammlig vo Multimediadateie

• Site vo dr Uniwersidäät Stuttgart mit em chronologische Ablauf (Site cha nüme abgrüeft wärde; Suche im Webarchiv)[1] [2] Vorlage:Toter Link/www.uni-stuttgart.de (PDF-Datei; 27 kB)

Fuessnoote

Dä Artikel basiert uff ere fräie Übersetzig vum Artikel „Belagerung_von_Straßburg“ vu de dütsche Wikipedia. E Liste vu de Autore un Versione isch do z finde.