Basler Brot

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E halbwisses Basler Laibli, aagschnitte, 250 g
Dialäkt: Baseldytsch
E dunkels Basler Laibli, 250 g

S Basler Laibli isch e Broot us Heefidaig. Es isch aini vo de beliebtiste Brotsorte in dr Schwiz und aini vo de weenige Schwizer Brootsorte, wo über d Sproochgränze uuse verbräitet sind.

S Basler Laibli isch lenglig-ovaal. Charakteristisch isch si waiche Rampf mit groosse, unregelmäässige Poore und eme knusprige, dunkle Rampf ooni Riss mit Määl oobe druf.

S Basler Broot wird us eme wäiche Heefidaig mit eme seer hooche Wasserghalt häärgstellt. S Waizemääl kaa Ruuchmääl oder Halbwissmääl si. D Laib wärde noch em Ufgoo nume e chli gformt und in Määl dunggt, so dass d Struggduur vom Daig lugg blibt. Bim Bache lait mä zwai Laib mit de Stirnsite anenander und dr Oofe muess mit bis zu 330 °C seer haiss si. Am Aafang duet sich dr Rampf nume wenig usbilde wägen em Dampf.

S Basler Broot wird in Laibli vo 500 Gramm und 1 Kilogramm verkauft, bim Beck vilmol au in Laibli vo 250 und mänggisch au 400 Gramm.

Weblingg[ändere | Quälltäxt bearbeite]