Baseball

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Pitcher bim Wärfe
Catcher und Löifer
Baseballstadion. In dr Middi vom Diamond (s viereggige Infield) stoot dr Pitcher, wisawii am Egge vom Diamond dr Batter uf dr Home Plate

Baseball (amerikanische Schlagball) isch e Mannschaftssportart und Ballsportart us Amerika. Er isch e chli uf dr ganze Wält verbräitet, aber bsundrigs populär immer no in de USA, in Mexiko, Kuba und Japan.

Spiilreegle[ändere | Quälltäxt bearbeite]

Es spiile zwäi Mannschafte mit je nüün Spiiler gegenenander und die Mannschaft gwünnt, wo mit Runs (Umrundige) mee Pünkt macht. E Mätsch isch nüün Innings (Durchgäng) lang. Jedes Inning foot drmit aa, ass d Mannschaft vo Uswärts Offense spiilt, das häisst si het s Schlagrächt und iiri Batter brobiere äine noch em andere mit em bat d Balle z schloo, wo dr Pitcher vo dr Defense wirft. Wenn dr Batter d Balle schloot und die im Fair Territory blibt, chan er vo dr Home Plate us mit sim Run afo, won er drbii über die drei Bases wider zur Home Plate chunnt. D Spiiler vo dr andere Mannschaft, wo in dr Defense isch, brobiere d Balle abzfange und mit ere Spiiler vo dr Offense, wo nid safe si, das häisst uf ere base stöön, z berüere, und eso z diskwalifiziere und sä zrugg uf d Bank z schigge. Wenn e Runner e ganzi Runde dräit, zellt das as äi Punkt. Wenn drei Spiiler vo dr Offense diskwalifiziert (für out erkläärt) worde si, wäggsle d Mannschafte iiri Blätz und die zwäite Helfti vom Inning foot aa, wo d Häimmannschaft Offense spiilt, bis drei vo iire Spiiler out si. Das goot eso nüün Innings lang.

D Reegle si aber no vil komplizierter ass das, wo do beschriibe isch.

Litratuur[ändere | Quälltäxt bearbeite]

  • Christian Posny, Sven Müncheberg: Regelheft Baseball – Revidiert 2007. Deutscher Baseball und Softball Verband e. V. (Hrsg.). 6. überarb. Auflage. Meyer & Meyer, Aachen 2008, ISBN 978-3-89899-365-4.
  • Bernhard Schmeilzl, Bill Church: Baseballtraining. Meyer & Meyer, Aachen 1995, ISBN 3-89124-236-0
  • H.A. Dorfman, Karl Kuehl: The Mental Game of Baseball. Diamond Communications, South Bend IN, ISBN 0-912083-32-8
  • Jim Bouton: Ball Four. Macmillan Books, New York NY 1981, ISBN 0-02-030665-2
  • Georg Bull, Sven Huhnholz: Baseball. Hofmann, Schorndorf 2006, ISBN 3-7780-0231-7
  • Göran Fiedler: Baseball für Fußballfans. BOD, Norderstedt 2013, ISBN 978-3-8448-1535-1

Weblingg[ändere | Quälltäxt bearbeite]

 Commons: Baseball – Sammlig vo Multimediadateie
Information icon.svg Dä Artikel basiert uff ere fräie Übersetzig vum Artikel „Baseball“ vu de dütsche Wikipedia.

E Liste vu de Autore un Versione isch do z finde.