D Balfour Deklarazioon

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Bild vom Balfour und sinere Deklarayioon

In dr Balfour-Deklarazioon vom 2. Novämber 1917 het Groossbritannie erkläärt, es sig iiverstande mit em Ziil vom Zionismus, wo 1897 festgläit worden isch, ass in Palestina e „nazionaali Häimet“ vom jüüdische Volk söll igrichdet wärde. Drbii söte d Rächt vo nit-jüüdische Gmäinschafte, wo scho existiere dört, bewaart bliibe. Dennzumol het sich Palestina no im Machtberiich vo de Osmane befunde. Die domoolig britischi Regierig under em Lloyd George het dänggt, ass es vo Vordäil weer, wenn si die zionistischi Beweegig wurd understütze.

Die Deklarazioon isch an d Füerer vo dr zionistische Wältorganisazioon grichdet gsi. Si wird as en entschäidendi Garantiierklärig an dr Zionismus aagluegt, ass in Palestina e „nazionali Häimet für s jüüdische Volk“ döf errichdet wärde.[1]

Am 31. Oktober 1917 häi Drubbe us meerere Länder vom British Empire (drunder Drubbe us Australie und Nöiseeland) under em britische General Edmund Allenby Be’er Scheva eroberet. Am 7. Novämber isch Gaza gfalle, am 16. Novämber Jaffa und am 9. Dezämber 1917 Jerusalem. Groossbritannie het d Verwaltig vo Palestina as Völkerbundmandat übernoo und dr Herbert Samuel, äine vo de Verantwortlige für d Deklarazioon, het as dr erst Hoochkommissar müesse brobiere, es sowol de Juude wie au de Araber richdig mache.

Fuessnoote[ändere | Quälltäxt bearbeite]

  1. Benny Morris: Righteous Victims – A History of the Zionist-Arab Conflict. 1881–2001. Vintage Books, New York 2001, S. 73.
Information icon.svg Dä Artikel basiert uff ere fräie Übersetzig vum Artikel „Balfour Deklaration“ vu de dütsche Wikipedia. E Liste vu de Autore un Versione isch Deklaration&action=history do z finde.