Badisches Oberland
S Badisch Oberland oder Oberbade isch d südlig Helfti vum Großherzogtum Baden gsii – dä Deil vum Badische, wu mer Alemannisch schwätzt. Im badische Unterland schwätzt mer drgege Südfränkisch bzw. Rhiifränkisch. S Badisch Oberland goht vu Iberlinge am Bodesee dur dr Südschwarzwald bis uf Raschtatt, dr Rhiin bildet, mit Usnahm vom Schaffhusische, d Süd- un d Weschtgränz.
Dr Begriff isch siter em Zämmeschluss vu Bade un Wirttebärg zu Bade-Wirttebärg braktisch üsser Gebruuch; meischtens sait mer jetz (in dr gliche Bedittung) Südbade. Zwische 1952 un 1972 hets e „Regierungsbezirk Südbaden“ gää – dä heißt hit – mit schdarch verändereter Gränz – „Regierungsbezirk Freiburg“.