Badischi Schdoolwärk
| Dialäkt: Oberrhiinalemannisch |
| Badische Stahlwerke | |
|---|---|
| |
| Unternähmensform | GmbH |
| Gründig | 1955 |
| Sitz | Kääl |
| Leitig |
|
| Mitarbeiter | 800 (1200 inkl. Doochterunternämme) |
| Umsatz | 1 Mrd. Euro |
| Branche | Stahlrecycling |
| Uffdritt im Netz | http://www.bsw-kehl.de |
D Badischi Schdoolwärk GmbH (BSW) isch e Schdoolhärschteller z Kääl. Mit de Hilf vo zwai Lichtbouweeefe produziirt s einzigi Schdoolwärk vo Bade-Wirttebärg us Schrott Schdool fir d Beweerung in de Bauinduschdrii.
Geografischi Lag
[ändere | Quälltäxt bearbeite]S Wärk isch uf de Londzung, wo a de Mindung vu de Kinzig in de Rhin zwischä dänne baide Fliss laait.
Gschicht
[ändere | Quälltäxt bearbeite]S Undernämme isch us de 1955 vum Willy Korf gägrindete Siiddytsche Drootverarbaidungs-GmbH hervorgongen. 1966 hät de Korf e Wolzwärk i Btriib gnomme, wobai er s Vormotrial, d Knibbel, zunäkscht noch zukaufe hät misse. 1968 hän zwai Lichtbouweeefe, zwai Schtranggiißanlooge un e widdares Wolzwärk iire Btriib ufgnomme; glaichzittig hät d Gsellschoft iire hittige Nomme aagnomme.
Im Novämber 2009 isch e Produktionserheehung vo bishär 2,2 Millione uf 2,8 Millione Tonne Schdool vum Regiirungspräsidium Friiburg gnämigt worre. Dzu wärre in de näkschde Joor bis zu 300 Millione Euro, unter Ondarem in e naije Stromversorgung, e naijer Lichtbouweofe un naiji Pfonneeefen, inwäschdiirt.[1] Braids im Friijoor 2008 sin im Zug vum Inwäschditionsprogramm e naiji Pfort, e naiji KFZ-Wärkstott un e naijer Schichtschtitzpunkt fir ca. 5 Millione Euro aingwiid worre.[2] Anfang 2009 isch dann e naijes Wendekiilbett fir aini vu de Stranggießaalage fir 5,5 Millione Euro gfolgt. D Badischi Schdoolwärk sin e Mitgliid im Verband vu dr Saarhütte.
Produktion
[ändere | Quälltäxt bearbeite]D Jooresschdoolproduktion isch 2008 bii circa 2,2 Millione Tonne glaaije,[3] was circa 5 % vo de ditsche Schdoolproduktion äntschpricht. Gmesse am Verhältnis vo de Jooresproduktion zu de Blägschoft vo knapp 800 Mitarbaider zääle d BSW weltweit zu de Stoolwärke mit de häkschde Produktivität. 1968 hät d Jooresproduktion nur circa 150.000 Tonne betraan.
D wichtigschde Produkte sin Schtoobstääl mit Durchmässere vo 10 bis 40 mm un Wolzdroot vo 5,5 bis 14 mm gerippt fir d Härschdellung vo Bwehrungsprodukte wii Bäddongschdoolmatten.
Wäblink
[ändere | Quälltäxt bearbeite]- Offizielli Wäbsit
- tu-harburg.de/. (Site cha nüme abgrüeft wärde; Suche im Webarchiv) . (Site cha nüme abgrüeft wärde; Suche im Webarchiv) . (Site cha nüme abgrüeft wärde; Suche im Webarchiv) - Bericht vun arre Exkursion vo de TU Harburg nooch Kääl (PDF-Datei. 565 kB)
Fueßnoot
[ändere | Quälltäxt bearbeite]- ↑ baden-online.de: BSW darf mehr Stahl schmelzen
- ↑ baden-online.de: Die Stunde der Töchter
- ↑ baden-online.de: Seit 40 Jahren Stahl aus Kehl
|
Dä Artikel basiert uff ere fräie Übersetzig vu dere Version vum Artikel „Badische_Stahlwerke“ vu de dütsche Wikipedia. E Liste vu de Autore un Versione isch do z finde. |