S Oratorium Athalia vom Händel
Athalia (HWV 52) isch en Oratorium in drei Akt vom Georg Friedrich Händel. Es isch am 10. Juli 1733 im Sheldonian Theatre z Oxford urufgfüert worde.
Dr Händel het d Athalia für en Uffüerig z Oxford gschriibe. Bi dr Jubileeumsfiir vo dr Gründig vo dr Uniwersidäät hätt noch eme Bricht in ere Zitig dr Händel dr Eeredokter sötte überchoo. Wiso er en nid aagnoo het, wäiss mä nid. Usser dr Athalia si z Oxford au sini früenere Oratorie Esther, Deborah und d Masque Acis and Galatea vorgstellt worde.
S Libretto isch vom Samuel Humphreys verfasst worde noch dr Dragödie Athalie vom Jean Racine und basiert uf ere Gschicht us de Büecher vo de Köönig (2 Kön 11) und dr Chronik (2 Chr 22) in dr Bible.
Weblingg
[ändere | Quälltäxt bearbeite]- Partitur von Athalia (Händel-Wärkusgoob, uusegee vom Friedrich Chrysander, Leipzig 1859)
Litratuur
[ändere | Quälltäxt bearbeite]- Winton Dean: Handel's Dramatic Oratorios and Masques. Clarendon, Oxford 1989, ISBN 0-19-816184-0, (Originalusgoob: Oxford University Press, Oxford 1959), (änglisch).
- Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttinge 1998, ISBN 3-525-27815-2.
- Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.