Die Arabisch Befreijigsarmee

S offizielle Emblem vo dr Befreijigsarmee, wo din en arabische Chrummdolch Chandschar e jüüdische Dawidstärn versticht.

Die Arabischi Befreijigsarmee (arabisch جيش الإنقاذ‎ Dschaisch al-Inqadh, DMG Ǧayš al-Inqāḏ ‚Armee der Errettung‘) isch e paramilidäärischi Organisazioon im Palestinachrieg gsi, wo vo dr Arabische Liga ufgstellt worde isch. Si isch under em Befääl vom Fausi al-Kawukdschi gstande, won emol en Agänt vo dr dütsche Weermacht z Palestina gsi isch.

Die arabischi Befreijigsarmee isch im Novämber 1947 z Qatana bi Damaskus ufgstellt worde. Vom Dezämber 1947 aa si Äihäite in s Mandatsgebiet Palestina iigsickeret. Die häi vo dr Arabische Liga dr Ufdraag überchoo, die arabische Bevölkerigszentrum in dr Zit vom Ändi vom Mandat bis zur Intervenzioon vo reguläre arabische Drubbe z schütze. Die Arabischi Liga het sä as Gegestück zur Armee vom Häilige Chrieg gsee, w under em Iifluss vom Mohammed Amin al-Husseini gstanden isch.

Die Arabisch Befreijigsarmee hät äigentlig sötte us acht Batallioon bestoo, aber nume öbbe vier si as Batallioon ufgstellt worde, die andere häi drotz ihrem Naame nume Kompaniisterki gha. Im Summer 1948 isch dr Verband am sterkste gsi mit öbbe 4'000 Soldaate. Die mäiste von ene si us Sürie cho. Usserdäm het s au palestinensischi Araber, Iraker und Egüpter in dr Armee gee, und nit-arabischi Muslim.

Die Arabisch Befreijigsarmee isch Ändi Oktober 1948 vo de Israelis gschlaage und us Palestina verdriibe worde.

Weblingg

• Militanter Sturmvogel – Fauzi ist nicht tot zu kriegen, DER SPIEGEL 7/1948, S. 11
• Mit deutschem Gruß für Palästina – Arabeske aus Blut und Oel, DER SPIEGEL 51/1947 S. 11

Fuessnoote

Dä Artikel basiert uff ere fräie Übersetzig vum Artikel „Arabische_Befreiungsarmee“ vu de dütsche Wikipedia. E Liste vu de Autore un Versione isch do z finde.