Anton Hofreiter

dr Anton Hofreiter (2014)

Dr Anton „Toni“ Hofreiter (* 2. Februar 1970 z Minche) isch e dytsche Bolitiker (Bindnis 90/Di Griene). Är isch syter anne 2005 Mitglid vum Dytsche Bundesdag un dert syt 2011 Vorsitzer vum Uusschuss fir Verchehr, Böu un Stadtentwicklig. Vu Oktober 2013 bis Dezämber 2021 isch er näb dr Katrin Göring-Eckardt Co-Vorsitzer vu dr griene Bundesdagsfraktion gsii.

Lääbe un Beruef

Noch em Abitur 1990 am Asam-Gymnasium Minche het dr Hofreiter vu 1991 bis 1997 an dr Ludwig-Maximilians-Universität Minche aagfange Biology studiert. Anne 2003 het er dert zum Dr. rer. nat. promoviert mit dr Arbet „Die infragenerische Gliederung der Gattung Bomarea Mirb. und die Revision der Untergattungen Sphaerine (Herb.) Baker und Wichuraea (M. Roemer) Baker (Alstroemeriaceae)“. Derno het er ab Oktober 2003 as Post-Doktorand am Institut für Systematische Botanik vu dr LMU Minche gforscht. Derzue het dr Hofreiter vu 1998 bis 2003 fir di bayrisch Griene-Landdagsabgordnete Susanna Tausendfreund un vu 2003 bis 2005 fir dr Christian Magerl gschafft.

Bartei

Dr Hofreiter isch anne 1986 as Schueler Mitglid vu dr Bartei Di Griene wore. Vu 1988 bis 1995 isch er Sprächer vum Ortsverband Sauerlach un vu 1996 bis 2006 Sprächer vum Griene-Chraisverband Minche-Land gsii. Zwische 2001 un 2006 isch er derzue au Sprächer vum Landsarbetschrais Ekology gsii.

Abgordnete

Vu 2002 bis 2005 het dr Hofreiter em Gmaindsrot vu syym Wohnort Sauerlach aaghert. Dernäbe isch er syter anne 2002 Chraisrot im Chraisdag vum Landchrais Minche.

Syter anne 2005 isch er Mitglid vum Dytsche Bundesdag un alliwyl iber d Landeslischt Bayern gwehlt wore. Sy Wahlchrais isch Minche-Land. Im sächzehte Bundesdag vu 2005 bis 2009 isch er Obmann vu syre Bundestagsfraktion im Uusschuss fir Verchehr, Böu un Stadtentwicklig gsii. Är isch Grindigsmitglid vu dr Barlemäntarische Gruppe Frei fließende Flüsse.

Am 8. Juni 2011 isch er, as Noofolger vum Winfried Hermann, aistimmig zum Vorsitzer vum Uusschuss fir Verchehr, Böu un Stadtentwicklig im Dytsche Bundesdag gwehlt wore. Bis zue syre Wahl zum Uusschussvorsitzer isch er verchehrsbolitische Sprächer vu dr Fraktion Bindnis 90/Di Griene gsii.

No dr Bundesdagswahl 2013 het sich dr Hofreiter um s Amt vum Vorsitzer vu dr Bundestagsfraktion vu syre Bartei beworbe. Am 8. Oktober 2013 isch er mit 49 Stimme vu dr 61 griene Bundesdagsabgordnete in des Amt gwehlt wore, zämme mit dr Katrin Göring-Eckardt.

Weblink

 Commons: Anton Hofreiter – Sammlig vo Multimediadateie

• Offiziälli Websyte vum Anton Hofreiter
• Biographie beim Deutschen Bundestag
• Läbeslauf bi dr Bundestagsfraktion Bindnis 90/Di Griene
• Interview mit em Anton Hofreiter uf e-politik.de
• Anton Hofreiter uf abgeordnetenwatch.de

Fueßnote

Dä Artikel basiert uff ere fräie Übersetzig vu dere Version vum Artikel „Anton_Hofreiter“ vu de dütsche Wikipedia. E Liste vu de Autore un Versione isch do z finde.