Anthocyane

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Die dunkelveieleti Farb vo dene Stiefmüeterli chunnt vo Anthocyane

Unter Anthocyane (Etymologie: griech. anthos = Blüete, Blueme, kyáneos = dunklblou) verschtoot me wasserlösligi Pflanzefarbstoff, wo in de meischte höchere Pflanze in Bliete und Frücht vorchömme. Si sin für die roti, violetti bis blaui und blauschwarzi Farb verantwortlig. Es git öppe 250 verschiedeni Anthocyane bekannt. Au die roti Farb vo de Blätter im Herbscht isch durch d'Anthocyane bedingt. Im Rotwy und im Rosé hets ebefalls mehr oder weniger vo däm Farbstoff dinne. Si chömme zum Bischpyl in folgende Frücht au vor: Kirsi, Brombeeri, Cassis, Granatöpfel, roti Truube und viili anderi meh.