An Comunn Gàidhealach

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

D An Comunn Gàidhealach (Gälisch [əŋ ˈkʰomən̪ˠ ˈkɛː.əlˠ̪əx], alem. Gälisch-Gsellschaft) isch e Organisation z Schottland, wu di gälisch Sproch un Kultur will ferdere un wu in dr Tradition vu dr irische GAA stoht. Dr Sitz vu An Comunn Gàidhealach isch z Inverness, d Schirmherrschaft het di britisch Chenigi Elisabeth II.

Grindet zum Schutz un fir d Entwicklig vu dr Gälische Sproch, setzt sich An Comunn Gàidhealach aktiv derfir yy, ass Gälisch glehrt un brucht wird, derzue au fir d Erforschig und Bflääg vu dr gälische Literatur, Musik un Chunscht.[1]

An Comunn Gàidhealach veraastaltet s Am Mòd Nàiseanta Rìoghail, e populär Feschtival vu dr gälische Musik, Chunscht un Kultur.[2]

S Magazin, wu An Comunn Gàidhealach uusegit, het urspringli Deò-ghrèine gheiße, isch speter umgnännt wore in An Gaidheal un heißt hite Sruth.

An Comunn Gàidhealach Ameireaganach[ändere | Quälltäxt bearbeite]

An Comunn Gàidhealach Ameireaganach (Amerikanischi Gälisch-Vereinigung) isch ä ähnligi Sproch- un Kulturorganisation z Kanada un in dr USA.

Au d ACGA veraastaltet e national Mòd, derzue e Hufe regionali Dräffe. Die Sproch-Gsellschaft isch bekannt fir ihri Gälisch-Immersions-Wuchenände un fir d ACGA Gaelic Song and Language Week all Summer.[3]

Mit ihrem Gaidhealtachd Support Grants program unterstitzt d ACGA Organsiatione un Persone, wu sich fir di Gälsich Sproch yysetze, zem Byschpel sin scho verschideni Schuele, wu Gälisch unterrichtet wird, unterstitzt wore.[4]

S Magazin vu An Comunn Gàidhealach Ameireaganach heißt An Naidheachd Againne un wird z Denver, Colorado vereffetligt.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. An Comunn Gàidhealach, Ameireaga: Gaelic Language Organizations (Memento vom 5. Septämber 2010 im Internet Archive), abgruefe am 6. April 2010
  2. Murdo MacLeod, Fiona Stewart: Mod 2002 - and 20,000 Gaels blow in for festival of music (The Scotsman, 12. Oktober 2002), abgruefe am 19.12.2006
  3. Frances Acar, Amy Johnson, Micheal Mac Aoidh: Mòd Naiseanta 2005 (An Naidheachd Againne XXII, Nr. 3-4: S. 1-8. Denver, Colorado, Winter 2005-6
  4. An Comunn Gàidhealach, Ameireaga: Grants Archivlink (Memento vom 27. Septämber 2006 im Internet Archive), abgruefe am 24.12.2006
Dä Artikel basiert uff ere fräie Übersetzig vu dere Version vum Artikel „An_Comunn_Gàidhealach“ vu de änglische Wikipedia. E Liste vu de Autore un Versione isch do z finde.