Amy Adams (Politikerin)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Owerelsassisch
D’ Amy Adams ànna 2014.

D’ Amy Juliet Adams (* Milnes, 19. Mai 1971 z’ Auckland) ìsch a ehamààliga näiseelandischa Politikera vu dr National Party. Sa ìsch Mìtglìed vum Pàrlamant gsìì vu 2008 bis ìhrer Rucktrìtt ànna 2020. Züadam hàt sa mehrera Minischteramt üssiawt: sa ìsch unterànderem d’ Minischtera vu da Grìchter gsìì vu 2014 bis 2017, d’ Juschtizminischtera vu 2014 bis 2017, un d’ Minischtera fìr d’ Soziàlwohnung vu 2016 bis 2017.

ìhra Jugend un Fàmìlia[ändere | Quälltäxt bearbeite]

D’ Amy Juliet Milnes ìsch ànna 1971 z’ Auckland uf d’ Walt kumma. Àls sa zwai Johra àlt gsìì ìsch, han sina Ältra sìch loh schaida. D’ Müatter hàt àlso d’ Amy un ìhra Schwaschter Belinda ärzooga.[1] D’ Adams ìsch àns Rangitoto College z’ Auckland ìn d’ Schüala gànga; doo ìsch sa Frend gsìì mìt dr Louise Upston,[2] wo àui schpeeter Politikera vu dr National Party worra ìsch. Dernoh hàt d’ Adams dr Hochschüalàbschluss Bachelor of Laws bikumma àn dr Ünivärsitet vum Canterbury. Àls Ànwàlt hàt sa z’äärscht z’ Invercargill gschàfft, àwer kurz schpeeter ìsch sa ìns Canterbury z’ruckkumma.[1] Sa ìsch Pàrtnera worra vum Ànwàltsbüro Mortlock McCormack z’ Christchurch.[1]

D’ Amy ìsch d’ Ehafràui vum Robert Donald Adams. S’ Pààr hàt zwai Kìnder un labt z’ Aylesbury, bim Mìttelpunkt vum Ardbewa vu 2010.[3] S’ Pààr besìtzt àui dräi Büürahäf z’ Darfield, z’ Kirwee un z’ Te Kauwhata. D’ zwai ärschta Häf lìega ìm Region Canterbury, ìm Gebiat vum Central Plains Water. Dur ìhra Betriib Amdon Farms Ltd ìsch d’ Fàmìlia Adams Tailìnhàwer vum Central Plains Water.[4] Dr Hof vu Te Kauwhata lìgt ìm Region Waikato.[4]

D’ Schwaschter Belinda hàt schpeeter gschàfft ìm Büro vu dr Paula Bennett, dr Minischtera vu dr soziàla Äntwìcklung. Ànna 2013 ìsch sa ernannt worra àls Mìtglìed vu dr Fàmìlia-Kumission.[5] Ìn dr Adams ìhra Schwoger isch Manatscher gsìì ìm Braich vu da Farnmìttailunga. Ar hàt äffentlig ìn dr Adams ìhra Àktiona kritisiart àls Minischtera fìr d’ Kommünikàziona un d’ Informàtionstecknologie.[6]

ìhra Kàrriar ìn Politik[ändere | Quälltäxt bearbeite]

ìn dr fìmfta Regiarung vu dr National Party (2008–2017)[ändere | Quälltäxt bearbeite]

Àn dr Pàrlamantswàhl vu 2008 ìsch d’ Amy Adams d’ Kàndidàta gsìì vu dr National Party ìm Wàhlkrais Senwyn.[7] Dia Wàhl hàt sa gwunna mìt äbb 60 Prozant vu da Schtìmma. Ìm Vergliich hàt d’ National Party 55 Prozant vu da Schtìmma bikumma ìm gànz Näiseelànd.[8] Àn dr Wàhl vu 2014 hàt d’ Adams meh àls 70 Prozant vu da Schtìmma bikumma.[9][10] Wahrend ìhrer ärschta Àmtszitt ìm Pàrlamant ìsch sa Mìtglìed gsìì vum Rachnungsprüfungsüsschuss, wu sa àui Vizavorsìtzenda un schpeeter Vorsìtzenda gsìì ìsch. Dr’züa ìsch d’ Adams d’ Vorsìtzenda gsìì vum Kummission, wo s’ Electoral Finance Act 2007 dur àndra Gsätzer ärsätzt hàt.[11]

Ànna 2009 hàt d’ Adams ìm Pàrlamant a Gsätzäntwurf vorgschlààga,[12] fìr d’ Betriiwer zwìnga z’ ärklära, wiavìel Gald sa ìn da Wohltatikaitswark gann.[13] S’ Pàrlamant hàt dàs Gsätz biigschtìmmt unter em Tìtel Fair Trading (Soliciting on Behalf of Charities) Amendment Act 2012.[14]

Àls d’ National Party a zwaita Regiarungsàmtszitt gwunna hàt, hàt ma d’ Adams ernannt àls Ìnnaminischtera un Minischtera fìr d’ Kommünikàzion un d’ Informàzionstecknologie, so wia àls schtällvertratenda Minischtera fìr d’ Ärholung noh-n-em Ardbewa ìm Canterbury.[11] Nohdam àss dr Nick Smith z’rucktratta ìsch, hàt a Regiarungsumbìldung schtàttgfunda. Doo hàt ma d’ Adams àls Umwaltminischtera ernannt. Àls Ìnnaminischter hàt ìhr dr Chris Tremain nohgfolgt. Nohdam àss d’ National Party d’ Pàrlamantswàhl vum September 2014 gwunna hàt, ìsch d’ Adams ernannt worra àls Juschtizminischtera, Minischtera fìr d’ Grìchter, Rundfunkminischtera un Minischtera fìr d’ Kommünikàzion.[11]

Nohdam àss dr Bill English ìm Johr 2016 Premierminischter worra ìsch, ìsch d’ Adams ernannt worra àls Minischtera fìr d’ Soziàlwohnung, Minischtera veràntwortliga fìr da soziàla Ààglagunga, Minischtera veràntwortliga fìr „Housing New Zealand“, so wia àls schtällvertratenda Finànzminischtera. Gliichzitlig hàt sa ìhra Amt àls Juschtiz- un Grìchterminischtera b’hàlta.[11]

ìn dr Opposizion (2017–2020)[ändere | Quälltäxt bearbeite]

Noh dr Pàrlamantswàhl vu 2017 hàt d’ Labour Party ìhra säcksta Regiarung gebìldet. Dr Bill English ìsch àls Laiter vum National Party z’rucktratta. Dernoh ìsch d’ Adams Kàndidàt gsìì fìr d’ Laitung vu dr Pàrtäi.[15] D’ Wàhl hàt àwer dr Simon Bridges gwunna; d’ Adams ìsch àm zwaita Plàtz ààkumma.[16] Jedoch ìsch d’ Adams d’ Wortfiahrera fìr d’ Finànz worra ìn ìm Bridges si Schàttakàbinätt.[16] Sa ìsch àui Mìtglìed gsìì vum Rachnungsprüfungsüsschuss vu dam Kàbinätt. Nohdam àss dr Christopher Finlayson z’rucktratta ìsch, ìsch d’ Adams àm 22. Janner 2019 àls Generàlschtààtsànwàlt vum Schàttakàbinätt ernannt worra.[17][18]

Ìm Juni 2019 hàt d’ Adams ààkìndigt, àss sa àn dr Wàhl vu 2020 üs dr Politik z’rucktratta wìrd, un àss sa sofort sina Schtälla ìm Schàttakàbinätt fàraloh wìrd.[19] Als Kàndidàta vu Selwyn hàt ìhr d’ Journàlischta Nicola Grigg nohgfolgt. Àm and vun ìhrer Àmtszitt ìsch d’ Adams d’ Vizavorsìtzenda gsìì vu dr Kummission um s’ Gsätzäntwurf vu 2020 um dr Schwàngerschàftsàbbruch.[11]

Ìm Mai 2020 hàt dr Todd Muller em Bridges nohgfolgt àls Laiter vu dr National Party. Àlso hàt d’ Adams ìhra Rucktrìtt ruckgangig gmàcht un ìsch ìns Schàttakàbinätt vum Muller ernannt worra, àls veràntwortliga fìr d’ Wìdderuffschtällung noh-n-em Covid-19.[20] Nohdam àss d’ Paula Bennett, d’ Vizavorsìtzenda vu dr National Party, ìhr Rucktritt ààkìndigt hàt, hàt d’ Adams àm 2. Juli 2020 noh-n-ìhr d’ Schtälla vu dr Veràntwortliga fìr d’ „Droga-Reform“ ìwernumma.[21][22] Schpeeter hàt d’ Adams nochamol gsajt, àss sa üs dr Politik z’rucktratta wìrd.[23] Ìhra Àbschiedsreeda hàt sa àm 30. Juli 2020 ghàlta.[24]

ìhra Mainunga[ändere | Quälltäxt bearbeite]

D’ Adams beschribbt sìch salbscht àls „gsällschàftlig liberàl, un wìrtschàftlig konservàtiv“.[25] Sa hàt àui gsajt, àss sa feminischt ìsch un hàt s’ Gsätz unterschtìtzt, wo dr Schwàngerschàftsàbbruch ìm Näiseelànd äntkriminàlisiart hàt. Ìhrem Äràchta noh ìsch s’ Racht uf Schwàngerschàftsàbbruch Tail vun ìn da Fràuija ìhra reprodüktiva Rachta. Dr’züa hàt sa ìn da religiösa Àbtriiwungsgegner drìngend ämpfohla, nìmm z’ lehra, àss d’ Ämpfangnissverhiatung a Sìnd isch.[26][27]

D’ Adams hàt àui fìr d’ Legàlisiarung vu dr gliichgschlachtliga Eh gschtìmmt, wia àui fìr d’ Legàlisiarung vu dr Schtarwahìlf fìr d’ Litt mìt Krànkhaita ìm Andschtàdium.

Àls Juschtizminischtera hàt d’ Adams àlla Verurtailunga ruckgangig gmàcht fìr d’ homosäxüälla Manner, wo ma verurtailt ghàà hàt, vor äbb ma ànna 1986 d’ Gliichgschlachtligkait äntkriminàlisiart hàt. Do drbi hàt sìch d’ Adams ìm Nàmma vu dr Regiarung äntschuldigt.[28]

Weblinks[ändere | Quälltäxt bearbeite]

 Commons: Amy Adams – Sammlig vo Multimediadateie

Ainzelnohwiisa[ändere | Quälltäxt bearbeite]

  1. 1,0 1,1 1,2 Michael Wright: Amy Adams on movies, mothering and money. In: The Press. 11. November 2014, S. A18 (englisch).
  2. Andrea Vance: Amy not afraid to speak her mind. In: Sunday Star-Times. 22. Juli 2012 (englisch, stuff.co.nz [abgerufen am 10. Oktober 2014]).
  3. General Debate - 8th September, 2010 - Part 5. YouTube, abgruefen am 14. November 2020 (änglisch).
  4. 4,0 4,1 Susan Strongman: Columnist stands by Amy Adams claims. In: Taranaki Daily News. 18. März 2014, abgruefen am 30. September 2014 (änglisch).
  5. Isaac Davison: It's jobs for the mates – Labour slams Nats. In: The New Zealand Herald. 20. Juli 2013, abgruefen am 12. Oktober 2014 (änglisch).
  6. Andrea Vance: Brother-in-law slams minister's frequency plans. In: Stuff.co.nz. 22. Dezember 2012, abgruefen am 12. Oktober 2014 (änglisch).
  7. Peter Wilson: National selects Amy Adams for Selwyn Seat. In: National Business Review. NZPA, 12. Mai 2008, archiviert vom Original am 11. Juni 2011; abgruefen am 26. Dezember 2008 (änglisch).
  8. Selwyn: Electoral Profile. Pàrlamant vum Näiseelànd, abgruefen am 10. Dezember 2009 (änglisch).
  9. Election Results – Selwyn. Electoral Commission, 21. September 2014, abgruefen am 30. September 2014 (änglisch).
  10. Nicole Mathewson, Georgina Stylianou, Tim Fulton: Election 2014: Canterbury decides. In: The Press. 21. September 2014, abgruefen am 21. September 2014 (änglisch).
  11. 11,0 11,1 11,2 11,3 11,4 Adams, Amy. Pàrlamant vum Näiseelànd, abgruefen am 14. November 2020 (änglisch).
  12. Fair Trading (Soliciting on Behalf of Charities) Amendment Bill – First reading. Pàrlamant vu Näiseelànd, 9. Dezember 2009, abgruefen am 13. Oktober 2019 (änglisch).
  13. Bill forces donation disclosure. In: Stuff.co.nz. 9. Dezember 2009, abgruefen am 10. Dezember 2009 (änglisch).
  14. Fair Trading (Soliciting on Behalf of Charities) Amendment Act 2012. Regiarung vum Näiseelànd, abgruefen am 13. Oktober 2019 (änglisch).
  15. Derek Chang: Amy Adams announces bid for National leadership. In: The New Zealand Herald. 14. Februar 2018, abgruefen am 20. Mai 2021 (änglisch).
  16. 16,0 16,1 Amy Adams replaces Joyce in National's finance role. In: Otago Daily Times. 7. März 2018, abgruefen am 14. Juli 2020 (änglisch).
  17. Bennett named drug reform spokesperson in shadow cabinet reshuffle. Radio New Zealand, 22. Januar 2019, abgruefen am 23. Januar 2019 (änglisch).
  18. Thomas Coughlan: Bridges begins year with a reshuffle. In: Newsroom. 22. Januar 2019, abgruefen am 23. Januar 2019 (änglisch).
  19. National's Amy Adams retiring from politics at 2020 election. In: The New Zealand Herald. 25. Juni 2019, abgruefen am 25. Mai 2019 (änglisch).
  20. National leader Todd Muller reshuffles caucus: Adams rises, Tolley falls in new lineup. Radio New Zealand, 25. Mai 2020, archiviert vom Original am 25. Mai 2020; abgruefen am 25. Mai 2020 (änglisch).
  21. Henry Cooke: National reshuffle: Simon Bridges gets foreign affairs role, but not a high ranking. In: Stuff. 2. Juli 2020, archiviert vom Original am 2. Juli 2020; abgruefen am 2. Juli 2020 (änglisch).
  22. Derek Cheng: National's Todd Muller's first reshuffle – winners and losers revealed. In: New Zealand Herald. 2. Juli 2020, archiviert vom Original am 2. Juli 2020; abgruefen am 2. Juli 2020 (änglisch).
  23. Live updates: Nikki Kaye quitting politics, Amy Adams follows. Radio New Zealand, 16. Juli 2020, archiviert vom Original am 15. Juli 2020; abgruefen am 20. Mai 2021 (änglisch).
  24. Nikki Kaye, Amy Adams and Nathan Guy urge Kiwis to remember the good of politics as they bow out. In: Stuff. 30. Juli 2020, abgruefen am 14. November 2020 (änglisch).
  25. Stacey Kirk, Henry Cooke, Laura Walters: Simon Bridges, Judith Collins and Amy Adams mount National Party leadership bids. In: Stuff.co.nz. 14. Februar 2018, abgruefen am 27. Mai 2020 (änglisch).
  26. Amy Adams: ‘I trust women. I trust women’: National MP Amy Adams speaks on abortion. In: The Spinoff. 19. März 2020, abgruefen am 19. März 2020 (änglisch).
  27. Zane Small: 'Go Amy!' National MP praised for abortion speech calling out intolerance from religious groups. In: Newshub. 19. März 2020, abgruefen am 19. März 2020 (änglisch).
  28. Watch: The moment Amy Adams apologises on behalf of Government for convicting gay men for homosexual acts prior to 1986. TVNZ, abgruefen am 14. November 2020 (änglisch).
Information icon.svg Dä Artikel basiert uff ere fräie Übersetzig vu dere Version vum Artikel „Amy_Adams_(politician)“ vu de änglische Wikipedia. E Liste vu de Autore un Versione isch do z finde.