Amanda Lear

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Amanda Lear (2011)

D Amanda Lear (* 18. Novämber 1939 z Hongkong, uf d Wält choo as A. Tapp[1]) isch e Sängere, Moolere, Moderatorin, Autorin und Schauspiilere.

D Lear het vo öbbe 1965 bis zum Aafang vo de 1970er Joor as Fotomodäll und Mannequin gschafft. 1968 isch si as danzends Mannequin in dr dütsche Krimiserii Der Kommissar ufdräte[2] und het no anderi chliini Rolle ghaa in Film und im Färnseä. 1976 het si mit em David Bowie e Beziejig ghaa, und wägen iim het si afo singe. Bis 1983 het si vor allem z Dütschland groosse Erfolg ghaa mit Hits wie Blood and Honey, Queen of Chinatown, Follow Me und 1982 mit Incredibilmente donna, iire erst Hit uf Italiänisch. Starfotograafe wie dr Helmut Newton oder dr Antoine Giacomoni häi sä fotografiert. Für s Männermagazin Playboy het si blutt posiert. 1987 het d Lear s Album Secret Passion veröffentligt, wo au in de USA uusechoo isch. Denn het si dr Romaan L'Immortelle gschriibe. 2002 isch si im Blanca-Li'-Film Le Défi (internationaal Ditel: Dance Challenge) ufdräte. 2005 het si iiri Disco-Hit no äinisch uusegee und het 2008 bi "France 3" und ARTE moderiert. 2009 het si im Theaterstück Panique au Ministère am Théâtre de la Porte-Saint-Martin, Bariis gspiilt, wo mee as 300 usverchaufti Vorstellige ghaa het. Denn isch sim im italiänische Sänder RAI 2 ufdräte. Im Septämber 2011 het si am Renässans-Theater z Bariis im Stück Lady Oscar gspiilt.

As Moolere het si iire äignig Stiil und stellt sit de 1980er in Galerie us.

Liddratuur[ändere | Quälltäxt bearbeite]

  • Wer hat Angst vor Amanda Lear?. Berengaria Editions, Germany/France 1979.
  • Dali - 15 Jahre mit Salvador Dalí. Goldmann, München 1985, ISBN 3-442-06805-3
  • L'Immortel. Carrere, 1987.
  • Between Dream and Reality. 2006.
  • Je ne suis pas celle que vous croyez. 2009.

Weblingg[ändere | Quälltäxt bearbeite]

 Allmänd (Commons): Amanda Lear – Sammlig vo witere Multimediadateie

Fuessnoote[ändere | Quälltäxt bearbeite]

  1. 'GEMA: Neuaufnahmen/Geburtstage unserer Mitglieder – 65 Jahre, GEMA Nachrichten Ausgabe 170, GEMA member register entry, 2004 'Quid Ed.: Robert Laffont, Dominique et Michel Fremy, November 1999
  2. Fernsehserie "Der Kommissar", Folge 7 "Keiner hörte den Schuss" (1969)
Dä Artikel basiert uff ere fräie Übersetzig vum Artikel „Amanda_Lear“ vu de dütsche Wikipedia.

E Liste vu de Autore un Versione isch do z finde.