Amalafrid

From Wikipedia
Jump to navigation Jump to search

D Amalafrid, wo öppen i dr Zyt vo 460 bis 525 nach Chrischtus gläbt het, isch e Frau und e Prinzässin vom Volch vo den Oschtgoote gsi.

Si isch vermuetlich d Dochter vom König Thiudimir, und iire Brueder isch dr König Theoderich der Gross gsi, eini vo de wichtige Herrscherpersoonen i der Zyt vo dr Völkerwanderig, e Gäneraal vo den Oschtröömer; am Ändi vom füüfte Joorhundert het er nach schwääre Kämpf mit dr Armee vom weschtrömische König Odoaker e grosse Teil vom Land Italien eroberet, wo s Oschtgooterych de für mee weder es halbs Joorhundert gsi isch.

D Amalafrid isch zeerscht mit emene Oschtgoot ghüroote gsi und mit dämm het si zwöi Chind gha, dr Theodahad, wo noch em Theoderich für churzi Zyt König vo den Oschtgoote gis isch, und d Amalaberg, wo d Frou vom Tüüringerkönig Herminafrid gsi isch.

Wo iire eerscht Maa gstorben isch, isch d Amalafrid anne 500 d Frou vom König Thrasamund vo de Wandaale woorde. So isch si zu iim uf Afrika ggange. Im Joor 523 isch dr König gstorben, und jetz het däm syn Nochfolger, dr Hilderich, sii lo yspeere und de lo tööde.

Literatur[edit | edit source]

  • M. Cristini: Il seguito ostrogoto di Amalafrida: confutazione di Procopio, Bellum Vandalicum 1.8.12. In: Klio 99 (2017), S. 278–289.
  • Felix Dahn: Amalafrida. In: Allgemeine Deutsche Biographie (ADB). Band 45, Duncker & Humblot, Leipzig 1900, S. 761 f.