Die Alti Kanzlei Rieche
Koordinate: 47° 35′ 5″ N, 7° 38′ 59″ O; CH1903: 615875 / 270467
.JPG)
| Dialäkt: Baseldütsch |
Die Alti Kanzlei isch e historischs Geböid an dr Baaselstrooss 43 z Rieche. Es isch äins vo de Kulturgüeter z Rieche, wo für d Regioon vo Bedütig si. Hüte si d Riechener Veräin do dehäi. Es git zää Rüüm vom e Källertheater bis zun ere Durmstuube, wo mä für Aaläss ka miete.
Gschicht
[ändere | Quälltäxt bearbeite]Sini Aafang gönge in s 17. Joorhundert zrugg. S Gmäindihuus het zämme mit dr Dorfkiirche, em Klösterli und em Meierhof zur alte Riechener Kiircheburg ghöört. Noch dr Kantonsdäilig 1833 het Rieche e Bezirksamt brucht, und dorum het mä in de Joor 1834-1837 am Blatz vom alte Geböid und vom Wachhuus noch de Blään vom Baasler Archidekt Melchior Berri e nöis Bezirks- und Gmäindihuus baut. Wil d Bevölkerig immer mee gwaggse isch, het mä s 1889 und no äinisch 1916-1918 müesse umbaue und vergröössere. 1961 si d Gmäindibehörde vo dr Baaselstrooss an d Wettstäistrooss züüglet. Druf häi sich e baar Riechener Veräin in dr Alte Kanzlei iigrichdet. Mä het sich lengeri Zit überläit, was mä mit em Geböid chönn mache bis mä s renowiert und im Herbst 1983 wider de Riechener Veräin überloo het.
Kwelle
[ändere | Quälltäxt bearbeite]- Haus der Vereine / Alte Kanzlei
- Felix Steininger: Altes Gemeindehaus. In: Gemeinde Lexikon Riehen