Alexander Salomon

Us der alemannische Wikipedia, der freie Dialäkt-Enzyklopedy
Hops zue: Navigation, Suech
dr Alexander Salomon 2013 im Landdag vu Bade-Wirttebärg

Dr Alexander Salomon (* 6. Augschte 1986 z Charlsrue) isch e dytsche Bolitiker (Bindnis 90/Di Griene).

Uusbildig un Beruef[ändere | Quälltäxt bearbeite]

Dr Salomon het am Helmholtz-Gymnasium z Charlsrue s Abitur gmacht. Derno het er an dr Universitet Mainz Rächtswisseschaft studiert. Dr Salomon het di dytsch un au di portugiesisch Staatsburgerschaft.

Bolitischi Laufbahn[ändere | Quälltäxt bearbeite]

Syt 2002 het si dr Salomon in dr Griene Juged engaschiert. Do isch er Fachforekoordinator Demokraty & Rächt gsii. In dr Zyt vu sym Studium isch er hochschuelbolitisch aktiv gsii. Fir „Campusgrün“ isch er Mitgliid im Studierendebarlemänt vu dr Uni Mainz un Finanzreferänt vum AStA vu dr Universitet Mainz gsii. Är isch Mitgliid vum Chraisvorstand vu dr Griene Charlsrue.

Bi dr Landdagswahl 2011 isch er iber s Zwaitmandat fir dr Wahlchrais Charlsrue II in Landdag gwehlt wore. Zum Zytpunkt vu dr Wahl isch er dr jingscht Abgordnete im bade-wirttebärgische Landdag gsii.

Im Landdag isch er Mitgliid im Uusschuss fir Wisseschaft, Forschig un Chunscht, im Innenuusschuss un im Petitionsuusschuss un Mitgliid in dr Enquetekommission „Rechtsextremismus“ un im Untersuechigsuusschuss „Rechtsterrorismus/NSU BW“. Derzue isch er stellverdrättend Mitgliid im Ständigen Uusschuss, im Uusschuss fir Finanzen un Wirtschaft, im Uusschuss fir Kultus, Juged un Sport un im Barlemäntarische Kontrollgremium

In syre Fraktion isch er Sprächer fir Dateschutzbolitik, fir Medien- un Netzbolitik un fir Hochschuelbolitik.

Sunschtigs Engaschmänt[ändere | Quälltäxt bearbeite]

  • Mitgliid im Byrot vum Haus der Geschichte Baden-Württemberg
  • Mitgliid im Verwaltigsrot vum Badische Staatstheater Charlsrue
  • Mitgliid im Stiftigsrot vum Zentrum für Kunst und Medientechnologie Charlsrue
  • Mitgliid im Kuratorium vum Naturkundemuseum Charlsrue
  • Mitgliid im Ufsichtsrot vu dr MFG Medien- und Filmgesellschaft Baden-Württemberg mbH.
  • Mitgliid im Rundfunkrot vum SWR
  • Vizebresidänt vu dr Dytsche Läbes-Rettigs-Gsellschaft (DLRG) Bade
  • Mitgliid im Fachbyrot „Team MeX – Mit Zivilcourage gegen Rechtsextremismus“

Weblink[ändere | Quälltäxt bearbeite]