Alemanus Hercules

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Alemanus Hercules isch e pseudohistorische König vo Germanie gsii, wo göttlichi Vereerig gnosse het und mitem röömische Held Hercules vergliche woren isch.

Öberlifierig[ändere | Quälltäxt bearbeite]

De tütsch Historiker Johannes Aventinus (1477-1534) het e Bayrischi Gschicht (Annales Boiorum) i sibe Bänd useggee, wo voll vo pseudohistorische Bigebehaite isch. Dodeze ghört au d Nenig vome König Alemanus. Deno sai de Alemanus Hercules de elft König vo Germania Magna und de unbesigbari Urvater und Gründer vo de Bayre gsi, wobi er sich uf de Berossus birüeft. Glebt heb er zu de Zitt vo de Deukalionische Fluet. Sis Zaiche sai de Loi gsii und noch em saiet meriri bayrischi Ort binennt, so d Burg Almonstain und de Fluss Alemanus (statt Alcmoenus, em latinisch Name vo de Altmühl). Im Chloster Riichenau söll no zu sinere Zitt sis Feldzaiche us Erz (aereus signum) umegsii sii. De bayrisch Herzog Theodo heb denn bi Regeschburg a de Donau em göttlich vereerte Alemanus Hercules a Hain gwidmet. De Aventin maint no, as d Kelte im allgimaine ali Germane "Alemani" nenet, wa sich natürli uf s Französchie Allemands bizücht.

Rezeption[ändere | Quälltäxt bearbeite]

Die guet erfundni Gschicht hett bi Laie d Phantasii aagregt.

De nidersächsisch Dichterpuur Hinrich Jansen (1697-1737) het imene romantische Versli slawischi, nordischi und tütschi Gotthaite uufglistet:

Dem Prove, Thor und Zuttiber
Dem Allemann, der Herthe,
Und vielen andern Götter mehr
Von eben solchem Werthe
Must mancher Wald gewidmet seyn
Der Thorlof, Hilgwald, Allmans Hayn.

Vo dene Gotthaite sind de slawisch Prove und de nordisch Thor historisch verbürgt, mit de Hertha isch aber d Erdmuetter Nerthus gmaint. De Zuttiber söll e slawische Waldgott bo Merseburg gsii sii.

De Bibliothekar Christian August Vulpius (1762-1827) het 1826 e phantasiivolls Handbuech underem Name »Mythologie der deutschen, verwandten, benachbarten und nordischen Völker« usegge und drinn füert er de Allemann uuf, e tütsche König wo vergötteret wore sai und de Herzog Theodo het em Allemann Herkules bi Regesburg e Hain gstiftet, em »Siiger und Gott vom Chrieg«.

Religioswüsseschaft[ändere | Quälltäxt bearbeite]

Scho de Jacob Grimm (1785-1863) verzichtet i sim grundlegende Werch "Deutsche Mythologie", em erste wüsseschaftliche Buech uf dem Piet, uf d Erwäänig vom Allemann und au spöteri Forscher ignorieret die erfundni Figur.

Büecher[ändere | Quälltäxt bearbeite]

  • Johannes Aventinus: Annales Boiorum (1554): liber 1,1; liber III,1
  • Hinrich Janssen: Sämtliche Gedichte (1768)
  • Christian August Vulpius: Mythologie der deutschen, verwandten, benachbarten und nordischen Völker (1826): Lemma Allemann.