al-Idrisi

Die Tabula Rogeriana, von Al-Idrisi für Roger II. von Sizilien, 1154.

Abu Abd Allah Muhammad ibn Muhammad ibn Abd Allah ibn Idris al-Idrisi, arabisch أبو عبد الله محمد بن محمد بن عبد الله بن إدريس الإدريسي‎, DMG Abū ʿAbd Allāh Muḥammad b. Muḥammad b. ʿAbd Allāh b. Idrīs al-Idrīsī, latinisiert Dreses (* eppa 1100 in Ceuta, Spanien; † 1166 in Sizilien) isch an Kartograf, Geograph und Botanika gsi. Er hot an da Universität vo Córdoba schtudiert und denn am Hof vom Normannenkönig Roger II in Sizilien gläbt. Für dänige Zita isch a boda wit umako: ganz Spanien, Nordafrika und sogär Vordaasien isch a abgreist. Oans vo sina Interessen sind Heilpflanze gsi, mit deana er sich intensiv beschäftigt hot. Dobi hot a gmerkt, dass d’Wisseschaft sitm Altertum num witaku isch. Drum hot a säl agfanga, Pflanza sum sammla und katalogisiera. In sina Bücha hot a viele neue Heilpflanza und eana sine Wirkunga beschrieba. S’bekannteschte hoasst Kitab al-Dschami-li-Ashtat al-Nabat, Das Sammelwerk für die Pflanzenarten. 1928 hot da dütsche Orientalischt Hellmut Ritter in da Fatih Handschriftenbibliothek vo Istanbul noch a Handschrift davu entdeckt. Berühmt isch a vor allem für sine geografischa Studien. Er hot nämlich zruckgriffa uf Agaba vo Claudius Ptolemäus und andere islamische Gelehrte, und hot sich dabi net vom christlicha Glauba drireda lo, sondan viilmeh sina oagana oga traut. Eam sine Karta zoagand Teile vo da wält, wo sit da Antike fasch koa Europäa meh gsi sin, wia Weschtafrika, Indien, China und Zentralasien. Dafür hot a sich ned würkle um Nordeuropa kümmarat.

Sis wichtigschte Werk, Nuzhat al-Mushtak fi-ichtiraq al-afaq (Reise des Sehnsüchtigen, um die Horizonte zu durchqueren) (o bekannt als Roger-Buch), hot a 1134 für Roger II gmacht. A silberne Erdtafel, wo dia damalige Wält in sieba Klimazona iitoalt, und manche vo deana Karta sind sogär igfärbt.. Leida isch se bi nam Ufschtand higanga. A paar klinere Schtuck gits no, und us deana kam a da rescht vo sinara Wältkarta no rekonstruiera. Es isch bloss a bizle schwierig, zum Wüsse, uf welle Orte er scih bezücht, wiil er sich uf mündliche Agabana gschtützt, und se denn in arabischa Buachschtaba ufgschrieba hot.

Sis Werk isch aba inzwüscha vo mehrere Wisseschaftla übaarbeitet und neu ussagä wora: Opus Geographicum sive liber ad eorum delectationem qui terras peragrare studeant. (Hrsg. F. Cerulli, G.Gabrieli, Lévi Della Vida u. a.). Neapel, Rom 1970ff. Uf Dütsch gits es o: die „Mappae Arabicae“ vo Miller. Da Tegscht hots aba nur uf Französisch, in anara neua Usgab bei Flammarion. Interessant zum läsa isch Sultan von Palermo vom britischa Autor Tariq Ali, wo s’Läba vo Al-Idrisis am Hof vom Roger II geschribt, zwüscha Wirtschaft und Politik. Und obwohls an Roman isch, erfahrt ma doch viel üba s’mittelalterliche Europa zwüscha Orient und Papscht, zwüscha Islam und Christentum, und natürlich vom Läba und Schaffa vo Al-Idrisis.

Literatur

Konrad Miller: Mappae Arabicae. Nachdr. 1994 d. Ausg. Stuttgart 1926-1931. Universität Frankfurt Inst. f. Gesch. d. Arabisch-Islamischen Wiss. ISBN 978-3-8298-1218-4.
Idrîsî, La Première Géographie de l'Occident, GF Flammarion. Paris. 1999. ISBN 2-08-071069-9
Wilhelm Hoenerbach: Deutschland und seine Nachbarländer nach der großen Geographie des Idrisi (1162, Sektionen 5, 2 u. 6, 2). Stuttgart, Kohlhammer, 1938
G. Oman: Notizie bibliografiche sul geografo arabo al-Idrisi (XII secolo) e sulle sue opere. In: Annali dell' Istituto Universitario Orientale di Napoli (AIUON), Neue Serie XI (1961), 25-61, XII 193-4
J. H. Kramers: La Littérature géographique classique des musulmans. in: Analecta Orientalia, 2 (1956), 172-204
M. Amari: Dal Kitab Nuzhat al-mushtâq ecc. (Sollazzo per chi si diletta di girare il mondo) per Abû 'Abd Allâh Muhammad Ibn 'Abd Allâh Ibn Idrîs. In: Biblioteca Arabo-Sicula. Turin-Rom 1880, I. 33-133
The Encyclopaedia of Islam. New Edition. Brill, Leiden. Bd. 3, S.1038
Tariq Ali: Der Sultan von Palermo, 2005, ISBN 3720526372

Weblinks

Idrisi bei www.mscgis.info - e Ruckblick uf Abu Abdullah Muhammad al-Idrisi als Namensgeber für s Softwarepaket IDRISI