Aguune

Systematik

Chlass:	Chnochefisch (Osteichthyes)
Underchlass:	Strahleflosser (Actinopterygii)
Ordnig:	Heringartigi (Clupeiformes)
Familie:	Hering (Clupeidae)
Gattig:	Alosa
Art:	Aguune

Wüsseschaftlige Name

Alosa agone

(Scopoli, 1786)

D Aguune uf italienisch Agone (Alosa agone) isch e Süesswasserfisch wo i Seeje am Alpedsüdfuess vorchunnt. Si werd mengisch as en Underart vo de Finte (Alosa fallax ital. cheppia) aaglueget und denn Alosa fallax lacustris gnennt.

Uussie

D Aguune isch e längliche silbrige Fisch, wo 43 cm lang were cha. Si het vier oder fööf groossi dunkli Tupfe uf de Siite. D Flosse sind schwärzlich.

Verbraitig

D Aguune isch en endemische Fisch vom südliche Alpefuess und lebt i Seeje, so im Ortasee, Langesee, Luganersee, Comersee, Iseosee und Gardasee. Si isch zo dem i Seeje vom Albanerpirg bi Room uusgsetzt wore.

Lebeswiis

D Aguune lebt vo Wasserflöö, Chliichrepsli und au vo chliine Fischli. D Laichzitt goot vom Juni bis in Augste, wenn d Wassertemperatur öber 16 Grad stiigt. D Aguune laichet znacht im helle Mooschii a flache Stele i Uufernööchi.

Büecher

Maurice Kottelat: European Freshwater Fishes. Cornol 2007. ISBN 978-2-8399-0298-4.

Weblink

Agone uf Fishbase.org (englisch)