Agnes Bernauer

Agnes-Bernauer-Statue z Vohburg

D Agnes Bernauer (* um 1410 waarschyyns z Augschburg; † 12. Oktober 1435 bi Straubing) isch s Gspuusi un villicht au s eerscht Wyyb vum bayerische Herzog Albrecht III. gsii. Dur die nit standesgmääß Verbindig isch dr Albrecht in Stryt groote mit sym Vater Ernst. Wu dr Albrecht uf ere Jagd bi me Verwandte gsii isch, het dr alt Herzog d Agnes verhafte un am 12. Oktoober 1435 bi Straubing in dr Donau verdränke loo. Dr Albrecht isch drno zeerscht zum Herzog Ludwig uf Ingolstadt gange, het si aber no ne baar Moonet wider mit sym Vater uusgseent un im Novämber 1436 d Anna vu Braunschweig ghyroote, zum gfeerchtete Chrieg isch s nit chuu. Dr eerscht Gschiichtsschryyber, wu dr Herzog Albrecht un d Bernaueri gnännt ghaa het, isch ire Zytgnoss Andreas vu Regensburg in syre Chronica de principibus terrae Bavarorum gsii. S Lääbe un Stäärbe vu dr Agnes Bernauer isch in vyl literaarische Wäärch ufgschafft woore, vor allem chännt mer s Friedrich Hebbels glyychnamig Druurspiil „Agnes Bernauer“ un „Die Bernauerin“ vum Carl Orff. Alli vier Joor finde z Straubing un z Vohburg Agnes-Bernauer-Feschtspiil statt, wu d Gschiicht vu Laieschauspiiler*ne in Szeene gsetzt wird.

Literatur

• Alfons Huber: Agnes Bernauer im Spiegel der Quellen, Chronisten, Historiker und Literaten vom 15. bis zum 20. Jahrhundert. Ein Quellen- und Lesebuch. Attenkofer, Straubing 1999, ISBN 3-931091-45-7. 
• Dorit-Maria Krenn, Werner Schäfer: Wer war Agnes Bernauer? Attenkofer, Straubing 2015, ISBN 978-3-942742-49-8. 
• Claudia Märtl: Straubing. Die Hinrichtung der Agnes Bernauer 1435. In: Alois Schmid, Katharina Weigand (Hrsg.): Schauplätze der Geschichte in Bayern. C. H. Beck, München 2003, ISBN 3-406-50957-6, S. 149–164. 
• Marita Panzer: Agnes Bernauer. Die ermordete ‚Herzogin‘. Pustet, Regensburg 2007, ISBN 978-3-7917-2045-6. 
• Werner Schäfer: Agnes Bernauer und ihre Zeit. Nymphenburger, München 1987, ISBN 3-485-00551-7. 
• Werner Schäfer: Agnes Bernauer. Geschichte – Dichtung – Bild. Attenkofer, Straubing 1995, ISBN 3-931091-02-3. 
• Hans Schlosser: Agnes Bernauerin (1410–1435). Der Mythos von Liebe, Mord und Staatsräson. In: Zeitschrift der Savigny-Stiftung für Rechtsgeschichte. Germanistische Abteilung. Band 122, 2005, S. 263–284. 

Weblink

 Commons: Agnes Bernauer – Sammlig vo Multimediadateie

• Agnes-Bernauer-Feschtspiil Straubing
• Agnes-Bernauer-Feschtspiil Vohburg
• Marita A. Panzer: Ermordung der Agnes Bernauer. In: Historisches Lexikon Bayerns
• Agnes Bernauer – Baderstochter, Herzogin, Legende. radioWissen. Bayern 2, 4. April 2011 (MP3; 14,8 MB)