Agathokles vo Syrakus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Zäichnig von ere Büste, wo woorschinlig dr Agathokles daarstellt; Musei Vaticani, Sala dei Busti

Dr Agathokles (altgriechἈγαθοκλῆς, Agathoklḗs; * 361 v. d. Z. oder 360 v. d. Z. z Thermai, hüte Termini Imerese uf Sizilie; † 289 v. d. Z. z Syrakus) isch vo 316 v. d. Z. aa Tyrann vo Syrakus und vo 305/304 v. d. Z. bis zu sim Dood Köönig vom ene sizilische Riich gsi, won er gründet het. Er het als Offizier aagfange, denn het er Politik mit de Aahänger vo dr Demokratii gmacht. Er isch zum Fäldher gweelt worde und e baar Joor spööter isch er im ene Staatsstreich an d Macht choo; faktisch het er as Tyrann gherrscht, aber formal isch die demokratischi Verfassig in Chraft bliibe. Er het e lange Chrieg gege d Karthager mit vile Verlust gfüert und het fast dr ganz griechisch Däil vo Sizilie und Däil vo Kalabrie in si Gwalt brocht. Noch em Friidesschluss mit de Karthager het er dr Köönigsditel aagnoo. Er het nie ganz Magna Graecia an sich chönne risse und au e Dünastii het er nid chönne gründe wäge Händel in dr Familie. Noch sim Dood si sini Gegner an d Macht choo.

Litratuur[ändere | Quälltäxt bearbeite]

  • Caroline Lehmler: Syrakus unter Agathokles und Hieron II. Die Verbindung von Kultur und Macht in einer hellenistischen Metropole. Verlag Antike, Frankfurt am Main 2005, ISBN 3-938032-07-3
  • Helmut Berve: Die Herrschaft des Agathokles. Verlag der Bayerischen Akademie, Münche 1953
  • Helmut Berve: Die Tyrannis bei den Griechen. 2 Bände, Beck, Münche 1967
  • Sebastiana Nerina Consolo Langher: Agatocle. Da capoparte a monarca fondatore di un regno tra Cartagine e i Diadochi. Messina 2000, ISBN 88-8268-004-5
  • Werner Huss: Geschichte der Karthager. Beck, Münche 1985, ISBN 3-406-30654-3, S. 176–203