Agasikles I. (Sparta)
De Agasikles I. oder Hegesikles (altgriech. Ἀγασικλῆς, Ἀγησικλῆς, Ἡγησικλῆς; 1. Hälfti 6. Jh. v. Chr.) isch e König vo Sparta gsii usem Gschlecht vo de Eurypontide. Sii Mitkönig usem Huus vo de Agiade isch de Leon gsii. De Agasikles isch de Soo vom Archidamos I. und de Vatter vom Ariston gsii. Er hett gmääss em Perieget Pausanias i Fride regiert, gmääss em Herodot hett er zäme mit em Leon e Niiderlaag gege d Tegeate istegge müese.