Achim Stocker

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Markgräflerisch

Dr Achim Stocker (* 27. Mai 1935 z'Konschtanz; † 1. November 2009 z'Friburg im Brisgau) isch e dytsche Fuessball-Funktionär gsi. Er isch vu 1972 bis zue sinem Dot Präsident vum derzittge Erstbundesligischt SC Friburg gsi. Er isch in de 60er-Johr Vorstandsvorsitzende gsi und später (ohni dass noch sinem Iverständnis gfroggt worre wär), gwählt worre. Ihm wird e grosse Adeil dra züegschribe, dass dr SC Friburg ins bezahlte Fuessballgschäft het chu chänne. [1]

In sinere Amtszitt - sowie vum Trainer Volker Finke isch die erscht Herre-Fuessballmannschaft vum Verein 1993 zum erschte Mol in d'1. Bundesliga ufgstiige un het mit dr Deilnahm am UEFA-Cup 1995/1996 un 2001/2002 die gröschte Erfolg vu dr Vereisgschichte erreicht.

Dr Achim Stocker het d Spiil vo siner Mannschaft nie vor Ort im Stadion agluegt, wil si Herz die demit verbunde Ufregig nit vertrage het. In sinem aktive Beruefsläbe het er es bis zum Oberfinanzdirektor gschafft. Am 1. November 2009 isch er an dr Folge vu eme e baar Däg vocher erlittene Herzinfarkt verstorbe.

Er isch uffem Bergäckerfridhof z'Friburg-Littewiler beerdigt worre.

Quelle[ändere | Quälltäxt bearbeite]

  1. Archivierte Kopie. Archiviert vom Original am 2009-11-04. Abgrüeft am 2009-11-01.