Anni Mathes

D Anni Mathes (* 1956 z Bludesch) isch e Chrankeschwöschter und Mundartautorin vom Vorarlbärg.

s Läbe

D Mathes, wo vo Bludesch im Vorarlbärg chunt, het d Uusbildig zur Chrankeschwöschter, Kinesiologin und Chinderbetreuerin gmacht. Si het sech bi dr Schriftstellerin Sonja von Eisenstein lo zur Seminarleiterin für Määrliseminar usbilde. Vo 2001 bis 2006 het si im Färnstudium no dr Journalismus und s Schryybe a dr Uni Züri glert.

D Anni Mathes schrybt und list im Walgauer Tieläkt. Näbe sälbständige Wärch macht si au Byträäg für verschideni Zytschrifte. Anne 2003 het si eine eigeti Wärchstatt für Literatur ufttoo, das isch «Anni ́s Märchen-Werkstatt». Sid 1998 isch si bi dr Arbetsgruppe Mundart vo dr Gselschaft Literatur Vorarlberg drby. 1998 het si am Erschte Internazionale Mundartsymposium z Bregenz mitgmacht und sider no a vil wytere Aläss und bi Lääsige vo Radiostazioone i de dütschsproochige Länder. Si organisiert internazionali Träffe vo Autore, d Bludescher Mund Art Literatur Wärkstett, wo sit 2005 scho es bar mol stattgfunde händ. Understützt wärde die Projäkt vo dr Rheticus-Gselschaft.

2013 het d Anni Mathes dr Vorarlbärger Literaturpryys übercho, und 2000 dr Ludwig-Schwarz-Anerchennigspryys für modärni Lyrik z Höfen an der Enz.

Wärch

• Läba und läba lô, 1998
• Ohra-schlüüfr, 2000
• Uufgweckt, es ORF-Hörspiil
• s Bludescher Dorflied, 2006
• Bytrag zu de Internantionale Mundart-Brücken, 2007
• Mitautorin vo dr CD Blumenegger Mundart, 1999
• Mitautorin vo dr Dokumentation Alt Jung Sein, 2002
• Mitautorin vo dr CD d bibl redat dialekt, 2003
• Mitautorin vo Grüscht. Lyrik und Prosa in alemannischer Mundart, 2010
• Mitautorin vo Fenster zum Nachbarn, (Rheticus-Gselschaft) 2011

Weblink

• Anni Mathes bi literatur-vorarlberg.at