Hippolyt vu Rom

E aglüegti Version vo derre Site, wo am 3. Mai 2020 freige worre isch, basiert uff derre Version.

Dr Hippolyt (Hippolytos, Hyppolitus, Ἱππόλυτος; * um 170 vermuetlig im Oschte vum remische Rych; † 235 uf Sardinie) het ab ebbe 192 as Presbyter wahrschyns z Rom gwirkt. Dr Schueler vum Irenäus vu Lyon giltet as dr wichtigscht weschtli Chilchevater vu syre Zyt un isch ab 217 z Rom e stränge Gegebischof vum e bitzeli liberalere Calixt I. In dr katholische Chilche giltet er dodermit as ain vu dr erschte Gegepäpscht vu dr Gschicht. S isch aber nit ganz sicher, ass es des Schisma wirkli gee het.

Är het in griechischer Sproch unter anderem e Wältchronik gschribe, wu bis 234/235 goht, exegetischi Kommentar zum Buech Daniel un zue dr Apokalypse, dogmatischi un chilcherächtligi Abhandlige un e Kampfschrift gege d Gnoschtiker (Refutatio omnium haeresium, „Widerlegig vu allne Häresie“). E Großdail vu syne Schrifte sin nume in altslawische Ibersetzige erhalte.

Är isch dr Patron vu dr Stadt St. Pölten, vu Sàmpìlt (frz. Saint-Hippolyte) im Elsass, dr Schutzhailg vu dr Stadt Zell am See, dr Patron vu dr Gfängniswärter un dr Ross. Är wird bi Schwechi aagruefe. Sy Name bedytet „dr Rossbefreier“.

Sy Gedänkdag isch dr 13. Augschte (katholisch) bzw. dr 30. Jänner (orthodox).

Literatur

John A. Cerrato: Hippolytus Between East and West: The Commentaries and the Provenance of the Corpus. Oxford University Press, Oxford 2002, Auszüge online
Miroslav Marcovich: Hippolyt von Rom. In: Theologische Realenzyklopädie 15 (1986), S. 381–387 (Überblick mit weiterer Lit.)
Traditio Apostolica (lateinisch-griechisch-deutsch), in: Fontes Christiani, Band 1, Freiburg i. Br. 1991 (übersetzt und eingeleitet von Wilhelm Geerlings)

Weblink

Commons: Hl. Hippolytus – Sammlig vo Multimediadateie

Hippolyt von Rom, Ökumenisches Heiligenlexikon
Ytrag in d Catholic Encyclopedia, Robert Appleton Company, New York 1913 (änglisch)
Traditio apostolica (latynischi Fassig, churze Uuszug)
Apostolic Tradition (änglischi Ibersetzig)
Wärch vum Hyppolitus

Dä Artikel basiert uff ere fräie Übersetzig vu dere Version vum Artikel „Hippolyt_von_Rom“ vu de dütsche Wikipedia. E Liste vu de Autore un Versione isch do z finde.