S Oratorium Esther vom Georg Friedrich Händel

E aglüegti Version vo derre Site, wo am 23. Jänner 2020 freige worre isch, basiert uff derre Version.

Esther (HWV 50) isch s erste Oratorium uf Änglisch vom Georg Friedrich Händel.

Wie s Oratorium entstande isch

Dr Händel het die erste Fassig vom Oratorium gschriibe, won er für e Earl of Carnarvon (vo 1719 Duke of Chandos) z Cannons gschafft het. Mee as d Helfti drvo het er us eltere Wärk übernoo.

Mä nimmt aa, as s Oratorium 1718 zum erste Mol ufgfüert worde isch. Denn isch s lang vergässe worde, bis dass es dr Bernard Gates, dr Läiter vom Chinderchor vo dr Chapel Royal wo au e Fründ vom Händel gsi isch, am 23. Februar 1732 zum Händel sim Geburtsdaag in dr Crown & Anchor Tavern am Strand ufgfüert het.

Die zwäiti Fassig isch am 2. Mai 1732 am King's Theatre am Haymarket ufgfüert worde.

S Libretto

In de mäiste Teggstdruck stoot as Autor dr John Arbuthnot, aber au dr Alexander Pope chunnt vor. S Libretto basiert uf dr Dragödie Esther vom Jean Racine (1689), wo iiri Figuure us em Buech Esther nimmt.

Litratuur

Winton Dean: Handel's Dramatic Oratorios and Masques. Clarendon, Oxford 1989, ISBN 0-19-816184-0, (Originalausgabe: Oxford University Press, Oxford 1959), (englisch).
Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttingen 1998, ISBN 3-525-27815-2.
Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.

Weblingg

Partitur vo Esther, 1. Fassig 1720 (Händel-Wärkusgoob, uusegee vom Friedrich Chrysander, Leipzig 1882)
Partitur vo Esther, 2. Fassig 1732 (Händel-Wärkusgoob, uusegee vom Friedrich Chrysander, Leipzig 1882)