Jesuiteschloss

Dr Hof vum Jesuiteschloss

Blick vum Jesuiteschloss in Richtig Fryburg-Hasle

S Jesuiteschloss isch e herrschaftli Aawääse z Merzhuuse bi Fryburg im Brysgau. S stoot an dr Nordsyte vum Schymberg oberhalb vu Merzhuuse mit eme wyte Blick iber s diräkt nerdli gläge Fryburg, dr Chaiserstuel un dr sidli Schwarzwald.

Sy Name laitet si vu dr friejere Bsitzer ab. D Jesuite, wu ab 1620 an dr Fryburger Universitet glehrt ghaa hän, hän am 10. Februar 1635 s Guet vu dr Familie Schnewlin-Bernlapp vu Bollschwyl gschänkt kriegt. Böue wore isch s Heerehuus no dr Dafle iber em Yygang, wu vu 1901 stammt, anne 1666, des Datum wird aber us guete Grind aazwyflet. Wu dr Orden anne 1773 ufglest woren isch, hän d Schnewlin-Bernlapp, d Freiherre vu Bollschwyl, ihre urspringli Schloss fir 66.000 fl. zruggchauft. Derno isch dr Bsitz an d Familie Kageneck gange. Zmaischt isch s Aawäsen as Adelssitz bruucht un vylmol umböue wore. Anne 1898 het d Hailiggaischtspitalstiftig dr Kumpläx gchauft un het en verpaachtet.

Syter anne 1985 isch s Wyyguet vu dr Fryburger Hailiggaischtspitalstiftig, s 1298 grindet Stiftigswyyguet Fryburg, im Aawäsen etabliert. Näb em Wyyguet het s e Probierstube un e große Saal. Uf em Schlossgländ het s hite au ne Uusflugsgaschthuus.

Literatur

• Franz Xaver Kraus: Die Kunstdenkmäler des Grossherzogthums Baden, Band 6: Kreis Freiburg, Jacob Christian Benjamin Mohr (Paul Siebeck), Tübingen und Leipzig 1904, S. 313

Weblink

 Commons: Jesuitenschloss (Merzhausen) – Sammlig vo Multimediadateie

• Offiziälli Websyte

Fueßnote

47.9663888888897.8177777777778

Dä Artikel basiert uff ere fräie Übersetzig vu dere Version vum Artikel „Jesuitenschloss“ vu de dütsche Wikipedia. E Liste vu de Autore un Versione isch do z finde.