Hilfsverb
E Hilfsverb het d Funktion, anderi Verb i verschidnigi Zittforme und Aktionsarte z bringe. Si tienet o dezue, synthetischi Zitforme analytisch z umschriibe. I villne Sprooche werdet dodeför d Verbe för sii und haa bruucht, nebet villne andere Möglichkaite. Au Modalverbe chönet im witterem Sii as Hilfsverb aaglueget werde.
Alemannisch
[ändere | Quälltäxt bearbeite]Die drai wichtigste Hilfsverb im Alemannische sind: sii, haa und tue. Si ghöret zu de Gruppe vo de Churzverbe, wo unregelmässig flektiered.
sii (sy) und haa werdet bruucht um e Handlig i d Vergangehait (Perfekt, Passé surcomposé) z setze. Debi werd di konjugierti Form vom Hilfsverb mitem Partizip Perfekt verbunde: i bi ggange, i ha gmacht.
sii tient au um d Aktualität vonere Handlig z betoone, indems mitem Verbsubstantiv verbunde werd: i bin am Mache.
tue werd änlich wie im Englische recht vill bruucht um jedi Zittform umzschriibe. Satt i mach sait me au i tue mache oder statt i machi au i teg mache. Bsundrigs de Konditional (Konjunktiv II) werd hüt maist mitem Hilfsverb umschribe: i täät mache astell vo seltnigerem i miech.
Anderi Hilfsverbe im Alemannische sind:
werde cha brucht werde um e beabsichtigti zuekünfitgi Handlig z notiere: i werd s mache, um Gegesatz zum Hochtütsche, wo da Verb regulär brucht werd, um z Zuekunft z umschriibe. Da Hilfsverb werd au för s Passiv bruucht, indems mitem Partizip Perfekt verbunde werd: er werd verbunde. Da Verb cha wie tue au bruucht werde um de Konditional z umschriibe: i wüür mache statt i miech.
choo werd selte bruucht, um e Handlig wo unmittelbar iitreffe werd z bischriibe (unmittelbari Zuekunft): s chunnt cho regne.
Hilfsverb as Vollverb
[ändere | Quälltäxt bearbeite]D Hilsverb chönet aber au as Vollverb uuftrete. sii bischribt denn maist e Zuestand (Wise sind grüe), haa dütet Bsitz aa (er het e Huus) und tue werd im Sii vo mache bruucht (Wa tuesch?).