Anna Stern (Autorin)
D Anna Stern (aigeti Anna Bischofberger; * 1990 z Rorschach) isch e Schwyzer Schriftstelleri.
Lääbe
[ändere | Quälltäxt bearbeite]D Anna Bischofberger isch z Rorschach ufgwagse. Si het vu 2011 bis 2017 Umwältnaturwisseschafte an dr ETH Züri studiert (Bachelor 2015, Master 2017) un promoviert zurzyt (Stand 2020) im Beraich Integrativi Biology (integrative biology) an dr ETH Züri.[1] Ire Forschigsbiet sin Antibiotikaresischtänze.
Anne 2014 het si ire erscht Roman Schneestill unter em Pseudonym Anna Stern publiziert. 2016 isch d Kriminalgschicht Der Gutachter erschine, 2017 ne Band mit Verzellige. Iber ire Haimetort het si d Verzellig S’isch Rorschach gschribe.
D Stern isch anne 2018 uf Vorschlag vu dr Hildegard Elisabeth Keller zue dr Däg vu dr dytschsprochige Literatur uf Klagenfurt yyglade wore, wi si mit em 3sat-Bryys uuszaichnet woren isch.[2][3]
Ire Roman das alles hier, jetzt isch anne 2020 mit em Schwyzer Buechbryys uuszaichnet wore[4]. D Autori ladet dodin iri Läser*ne zue me Experimänt yy. S git kai Großbuechstabe unk ai ainhaitligi Schriftgstaltig uf ire Buechsyte, un d Figure din chenne dur ire Name au nit aidytig eme Gschächt zuegornet wäre. D Verzellperschpekti isch e „du“, wie wänn e Spiegel mit im Spiil wär [5]. Alli agiere ääne vun eme binäre Schema, was si schwär fassbar macht. Dr rot Fade bildet aber dr Dod un d Druur um e Mänsch mit Name „ananke“, wu alli gärn ghaa hä nun wu vyl z frie gstorben isch.
Wäärch
[ändere | Quälltäxt bearbeite]- Schneestill. Salis, Zürich 2014, ISBN 978-3-906195-17-9.
- Der Gutachter. Roman. Salis, Zürich 2016, ISBN 978-3-906195-43-8.
- Beim Auftauchen der Himmel. Erzählungen. Lectorbooks, Zürich 2017, ISBN 978-3-906913-00-1.
- Wild wie die Wellen des Meeres. Salis, Zürich 2019, ISBN 978-3-906195-81-0.
- das alles hier, jetzt. Elster & Salis, Zürich 2020. ISBN 978-3-03930-000-6.[6]
Uuszaichnige
[ändere | Quälltäxt bearbeite]- 2018: Ferderbryys vu dr St. Gallische Kulturstiftig[7]
- 2018: 3sat-Bryys bi dr 42. Däg vu dr dytschsprochige Literatur (Ingeborg Bachmann Wettbewärb)[8]
- 2019: Literarischi Uuszäichnig vu dr Stadt Züri[9]
- 2020: Schwyzer Buechbryys[10]
Weblink
[ändere | Quälltäxt bearbeite]- Offiziälli Websyte vu dr Anna Stern
- d Anna Bischofberger uf ethz.ch
- Rezensione zue Wärch vu Anna Stern (Autorin) bi perlentaucher.de
- Anna Stern, Ich-Sucherin in zwei Welten. Porträt in Das Schweizer Forschungsmagazin
- Anna Stern bim Verlag Salis
- Christoph Renn: Jungautorin sucht nach der Wahrheit, St. Galler Tagblatt, 18. Dezämber 2014
Fueßnote
[ändere | Quälltäxt bearbeite]- ↑ Anna Bischofberger (alias Stern) gewinnt Schweizer Buchpreis uf ethz.ch, 9. Novämber 2020.
- ↑ Peter Surber: Von Rorschach nach Klagenfurt, Saiten, 4. Juni 2018.
- ↑ Tanja Maljartschuk gewinnt Bachmannpreis 2018. ORF, 8. Juli 2018.
- ↑ Schweizer Buchpreis: Überraschung bei der Auszeichnung 2020, Neue Zürcher Zeitung, 9. Novämber 2020
- ↑ Franziska Meister: Schweizer Literaturpreis. Vom Glück warmer Milch, WOZ, Nr. 46/2020 vum 12. Novämber 2020
- ↑ Rezänsion in dr Sändig 52 beste Bücher vum Schwyzer Radio (1. Novämber 2020)
- ↑ Anna Stern, mit Laudatio von Hansruedi Kugler uf kulturstiftung.sg (2018)
- ↑ Das war der Bachmannpreis 2018 uf bachmannpreis.orf.at
- ↑ Auszeichnungen, Stadt Zürich, Kultur
- ↑ Gewinnerin Schweizer Buchpreis 2020
|
Dä Artikel basiert uff ere fräie Übersetzig vu dere Version vum Artikel „Anna_Stern_(Autorin)“ vu de dütsche Wikipedia. E Liste vu de Autore un Versione isch do z finde. |