Régions et peuples solidaires
Régions et Peuples Solidaires – was uf Düütsch öppe heisst: Regioone und Völker hebe zäme – isch e Gruppierig vo Parteie us es paar Piet vo Frankrych.
Dä Bund isch anne 1994 vo Lüüt us divärsi Regionalorganisazioone z Aix-en-Provence plaanet und anne 1995 z Rennes gründet worde. Er wott z Frankrych de föderalistische Chreft hälfe und öpis gäge Zäntralismus vo Paris mache, und er isch für die vill Forme vo dr Kultur und luegt für die kulturelle Wärt vo de Regioone. Uf internazionaaler Äbeni schaffet er mit dr Tachorganisazioon Europäischi Freji Allianz zäme.
Es git es paar Lüüt vo dene Parteie i dr französische Nazionalversamlig, und au es paar im Parlamänt vo Öiropa.
Anne 2005 het d Liga verlangt, Frankrych sell d Europäischa Chàrta vu da Regionàl- oder Mìnderheitasprocha underschrybe.
Bi dr Gruppe mache mit:
- Eusko Alkartasuna, im Baskeland
- Mouvement Région Savoie, z Savoie
- Esquerra Republicana de Catalunya, z Nordkatalonie
- Convergència Democràtica de Catalunya, z Nordkatalonie
- Partitu di a Nazione Corsa, uff Korsika
- Femu a Corsica, z Korsika
- Eusko Alderdi Jeltzalea-Partido Nationalist Vasco, im Baskeland
- Partit Occitan, z Südfrankrych
- 57-Le Parti des Mosellans, im Lootringische
- Unvaniezh Demokratel Breizh, i dr Bretagne
- Unser Land, im Elsass
- Congrès mondial amazigh, en Nit-Regierigs-Organisazioon vo de Berber
Früener sind emol drby gsi:
- Fer's Elsass, im Elsass (vo 1007 bis 2008), sid 2009 bi Unser Land
- Union du peuple alsacien, im Elsass (vo 1994 bis 2009), sider bi Unser Land
- Frankiz Breizh, i dr Bretagne (vo 1994 bis 2008), sid 2008 bi Unvaniezh Demokratel Breizh
- Rassemblement du peuple franc-comtois, i dr Freigrafschaft, d Organisazioon het’s nume vo 1995 bis 1999 gää
- Ligue savoisienne, z Savoie, vo 2003 bis 2005, me het se wäge Islam-fintleche Üsserige vo iirem rächtsextreeme Scheff usegheit