Abel Tasman

E aglüegti Version vo derre Site, wo am 27. März 2022 freige worre isch, basiert uff derre Version.

Dr Abel Janszoon Tasman (* 1603 z Lutjegast, Browinz Groningen; † 10. Oktober 1659 z Batavia, Java) isch e niiderländische Seefaarer gsi. Er het Entdeckigsräise gmacht, isch drbii um e australisch Kontinänt gseeglet und isch am 13. Dezämber 1642 as erste Öiropäer uf Nöiseeland choo.

Usser Entdeckigsfaarte het er 1648 s Kommando über acht Chriegsschiff ghaa und mit ene in de Philippine spanischi Stützpunkt aagrife und deren iire Handel gstöört.

Noch em Abel Tasman si under anderem die australischi Insle Tasmanie (früener Van Diemen’s Land) benennt worde, die australischi Tasman-Halbinsle, d Tasmansee zwüsche Australie und Nöiseeland und dr nöiseeländisch Abel Tasman National Park und d Tasman Bay. Au en Asteroid, dr (6594) Tasman het si Naame überchoo.

Litratuur

Friedrich Ratzel: Tasman, Abel Janszon. In: Allgemeine Deutsche Biographie (ADB). Band 37, Duncker & Humblot, Leipzig 1894, S. 404–407.

Weblingg

Commons: Abel Tasman – Sammlig vo Multimediadateie

Undersuechige über im Tasman sini Daagebüecher (änglisch)
Entdeckung eines Entdeckers. In: Süddeutsche Zeitung. 29. Novämber 2006.

Dä Artikel basiert uff ere fräie Übersetzig vum Artikel „Abel_Tasman“ vu de dütsche Wikipedia. E Liste vu de Autore un Versione isch do z finde.