2NE1

Us der alemannische Wikipedia, der freie Dialäkt-Enzyklopedy
2NE1
2NE1 ànna 2013 Vu Lìnks bis Rachts: Dara, Bom, Minzy, CL
2NE1 ànna 2013
Vu Lìnks bis Rachts: Dara, Bom, Minzy, CL
2NE1 ànna 2013
Vu Lìnks bis Rachts: Dara, Bom, Minzy, CL
Allgmeini Informatione
Härkumft Süüdkoreà
Genre K-Pop, Hip-Hop, R&B, Elektropop, Dance
Gründig 2009
Uuflöösig 2016
Letschti Bsetzig

CL
Park Bom
Dara

Ehmaligi Mitglider
Minzy
Dialäkt: Mìlhüüserdiitsch

2NE1 (koreànisch: 투애니원, RR: Tuaeniwon [tʰuɛniwʌn]; üüssgschproocha wia s’ Anglischa to anyone[1] odd’r twenty-one, „ ainunzwànzig“) ìsch a süüdkoreànischa Girl-Grupp vu dr Plàttafirma YG Entertainment, wo vu 2009 bis 2016 àktiiv gsìì-n-ìsch. Ìn dr Grupp sìnn viar Mìtglìeder gsìì: d’ Bom, d’ CL, d’ Dara, un d’ Minzy. D’ Grupp ìsch bekànnt worra, wial sa d’ tràdizionälla Klischees vu dr K-Pop gbrocha hàt un ìsch a wìchtig Symbool vu dr „Koreànischa Walla“ worra.[2][3][4] Dr Namma vu dr Grupp schteht fìr „Näija Äntwìcklung vum 21. Joohrhundert“ (uff Anglisch New Evolution of the 21st Century).[5]

D’ Grupp ìsch z’äärscht ìm März 2009 äntdäckt worra, wu sa zamma mìt dr Büa-Grupp Big Band uff dr Warbungs-Sìnggel Lollipop gsunga hàt. Bekànnt worra-n-ìsch sa noh dr Ärschiinung vun ìhrem äärschta-n-EP 2NE1 ànna 2009, wu d’ Sìnngel Fire un I Don’t Care z’ loosa sìnn. D’ Sìnggel I Don’t Care ìsch bii da Mnet Asian Music Awards àls „Liad vum Joohr“ üüsszaichent worra; domìt ìsch 2NE1 d’ äärschta-n-Idolgrupp worra, wo-n-a Groosspriis (a daesang) ìn ìhrem Ààfàngsjoohr bikumma hàt. Ànna 2010 ìsch ìhr äärscht Schtüdio-Àlbum To Anyone arschìena, wo dräi Moneeta làng àm Schpìtzaplàtz vum koreànischa-n-Àlbumchart gsìì-n-ìsch. Ìm gliicha Joohr ìsch àui s’ zwaita-n-EP 2NE1 veräffentligt worra; d’ Sìnggel Don’t Cry, Lonely, I Am the Best un Ugly sìnn uff Plàtz 1 vu da Charts ànakumma. Ànna 2012 hàt d’ Grupp ìhra Tournee New Evolution Global Tour ìn sìewa-n-àsiàtischa un nordàmerikànischa Lander gmàcht;[6] ’s ìsch d’ äärschta internàzionààla Tournee vun’ra K-Pop-Girl-Grupp gsìì. Ìhra Uffiahrung àm Prudential Center ìm New Jersey hàt d’ New York Times àls s’ zwaitbäschta Konzärt vum Joohr ärnännt.

Ànna 2014 hàt 2NE1 ìhr lätscht Schtüdio-Àlbum Crush veräffentligt. ’S ìsch s’ äärscht Àlbum vu’ma koreànischa Kìnschtler, wo-n-a Plàtz ìm Top 100 vum àmerikànischa Billboard 200 ghàà hàt. Mehr àls zwai Joohra làng ìsch’s koreànischa-n-Àlbum mìt da bäschta Chart-Plàtziarunga gsìì. Bis àm Andsjoohr 2014 hàt 2NE1 insgsàmt niina Top-1-Liader ìm Gaon Digital Chart ghàà.

Ìm Àwrìl 2016 hàt d’ Minzy d’ Grupp fàraloo.[7] Àm 25. Nowamber 2016 hàt sìch d’ Grupp offiziäll uffgleest.[8] D’ dräi Sangerinna hann d’ lätschta Sìnggel Goodbye uffgnumma, wo-n-ìm Janner 2017 ärschìena-n-ìsch.

Ìm Làuif vun ìhrer Kàrriar hàt d’ Grupp zàhlriicha Priisa bikumma, drunter niina Melon Music Awards, älf Cyworld Digital Music Awards, zeh Mnet Asian Music Awards. Ìm Àwrìl 2022 hàt 2NE1 àn da Faschtschpìeler vu Coachella zem äärschta Mol noh-n-ìhra Uffleesung a Konzärt gaa. Mehrera Zittschrìfta hann gsajt, àss dàs aina vu da bäschta-n-Ufffiahrunga uff dana Faschtschpìeler gsìì-n-ìsch.[9][10][11]

Weblìnks[ändere | Quälltäxt bearbeite]

 Commons: 2NE1 – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. ↑ 여자 빅뱅, '21(To Anyone)'으로 공식명칭 확정 (Memento vom 11. Juli 2012 im Webarchiv archive.is)
  2. ↑ Ameena Navab: 5 K-pop band break-ups that shook the entire industry. In: South China Morning Post. 8. September 2011, archiviert vom Original am 14. Januar 2022; abgruefen am 10. Juli 2022 (änglisch).
  3. ↑ 2NE1 out to conquer the world. ABS-CBN News, 14. Juli 2012, archiviert vom Original am 22. April 2011; abgruefen am 10. Juli 2022 (änglisch).
  4. ↑ Tamar Herman: 10 Best K-Pop Girl Groups of the Past Decade: Critic's Picks. In: Billboard. 12. Juli 2017, archiviert vom Original am 24. Januar 2022; abgruefen am 10. Juli 2022 (amerikanischs Änglisch).
  5. ↑ 2NE1 Comes Out on Top at Music Bank. In: The Korea Times. 18. Juli 2009, abgruefen am 10. Juli 2022 (änglisch).
  6. ↑ Jeff Benjamin: 2NE1 Invades America: Behind the Scenes With the K-Pop Phenomenon. In: Billboard. 23. August 2012, archiviert vom Original am 24. Januar 2022; abgruefen am 10. Juli 2022 (amerikanischs Änglisch).
  7. ↑ Tamar Herman: Minzy Departs 2NE1, Leaving One of K-Pop's Biggest Groups a Trio. In: Billboard. 5. April 2016, abgruefen am 10. Juli 2022 (amerikanischs Änglisch).
  8. ↑ Tamar Herman: 2NE1 Officially Disbands, YG Entertainment Renews Contracts With CL and Dara. In: Billboard. 26. November 2016, abgruefen am 10. Juli 2022 (amerikanischs Änglisch).
  9. ↑ P. Claire Dodson: Iconic K-pop Group 2NE1 Had a Triumphant Reunion at Coachella. In: Teen Vogue. 17. April 2022, abgruefen am 18. April 2022 (änglisch).
  10. ↑ Steffanee Wang: 2NE1's Makeup Artist Breaks Down Their Historic Coachella Reunion Looks. In: Nylon. Abgruefen am 22. April 2022 (änglisch).
  11. ↑ Jasmine Ting: 2NE1 Reunites at Coachella. In: Paper. 17. April 2022, abgruefen am 17. April 2022 (änglisch).
Dä Artikel basiert uff ere fräie Übersetzig vu dere Version vum Artikel „2NE1“ vu de änglische Wikipedia. E Liste vu de Autore un Versione isch do z finde.
Dä Artikel basiert uff ere fräie Übersetzig vu dere Version vum Artikel „2NE1“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=2NE1&oldid=1051878"