’s Ländle, meine Heimat

’s Ländle, meine Heimat, dichtet un vertont vum Anton Schmutzer (1864-1936), isch syt 1949 d Landeshymne vum eschtrychische Bundesland Vorarlberg.

D Urfassig vu dr Hymne goht uf s Johr 1905 zruck. Dodmol het dr Fealdkircher Musiklehrer un Chorleiter Anton Schmutzer s Gedicht Vorarlbergers Heimweh vertont. Anne 1907 het er d Melodii lycht gänderet un het derzue ne neje, sälber dichtete Text gschribe: „Du Ländle, meine teure Heimat“. 1937 het d Vorarlberger Landesregierig s Volkslied zum offiziälle „Landeslied“ gmacht, doderfir sin in dr zwote Strofe d Bezugnahme uf dr Chaiser un d Monarchii us em Text uusegnuu wore. Bis dert het s no gheiße „hier hält man treu zum alten Kaiser“, dr „Kaiser“ isch schließlig dur s „Heimatland“ ersetzt wore, alternativ doderzue wird aber au „Vaterland“ gsunge. In dr Johre vum Chrieg un em Nationalsozialismus, wu Vorarlberg zytwys wider vu Innschbruck uus regiert woren isch, het s Lied e bsunderi lokalpatriotischi Bedytig gwunne. Im Johr 1949 het dr Vorarlberger Landdag ’s Ländle, meine Heimat dur Gsetz zur Landeshymne ghobe.

Text

lueg: Text: ’s Ländle, meine Heimat

Rächtsgrundlage

Art. 6 Abs. 4 Vorarlberger Landesverfassig: Dur Gsetz wird e Landeshymne bstimmt.
D Landeshymne isch im Gsetz iber d Landessymbole, LGBl.Nr. 11/1996, 58/2001, gregelet; Text un Noten in Aalag 3.
No § 248 Abs. 2 Strafgesetzbuch, BGBl.Nr. 60/1974, stoht d Landeshymne au unter eme strofrächtlige Schutz.

Weblink

Chorfassig, z Verfiegig gstellt vu dr Vorarlberger Landesregierig. (MP3-Datei; 1,99 MB)
Kapällefassig, z Verfiegig gstellt vu dr Vorarlberger Landesregierig. (MP3-Datei; 1,07 MB)
Noten un Text uf dr offiziälle Websyte vum Land (PDF-Datei; 978 KB)
Bricht vum ORF zum 60-jehrige Jubiläum vu dr Landeshymne (Site cha nüme abgrüeft wärde; Suche im Webarchiv)[1] [2] Vorlage:Toter Link/vorarlberg.orf.at

Dä Artikel basiert uff ere fräie Übersetzig vu dere Version vum Artikel „’s_Ländle,_meine_Heimat“ vu de dütsche Wikipedia. E Liste vu de Autore un Versione isch do z finde.