Ëlwen

Ëlwen dt. Ulflingen, frz. Troisvierges
Wappe	Charte
S Wappe vu Ëlwen	D Lag vu Ëlwen
Basisdate
Land	Luxemburg Luxeburg
Koordinate:	50° 7′ N, 6° 0′ O50.1215361111116.0004138888889
Distrikt	Dikrech
Kanton	Klierf
Yywohner	1027 (1. Jänner 2011)
Bevelkerigsdichti	27,1 Ywohner/km²
Hechi	432m ü. NN
Sproch(e)	Lëtzebuergesch
Zytzone	UTC+1
Burgermaischter	Lucien Majerus
Internetsite	www.troisvierges.lu
Bild
Ëlwen

Ëlwen (dt. Ulflingen, frz. Troisvierges) isch aini vu dr 105 Gmaine z Luxeburg.

Ortsdail

Zue Ëlwen ghere d Ortschafte Beesslek (Oberbesslingen/Hautbellain), Biwwesch (Biwisch), Drénkelt (Drinklingen/Drinklange), Ëlwen, Géidgen (Goedingen/Goedange), Huldang (Huldingen/Huldange), Kierchen (Niederbesslingen/Basbellain) un Wilwerdang (Wilwerdingen/Wilwerdange), derzue die Wyler un Gheft: Buergplaz, Cornelysmillen, Géidgermillen, Huldangermillen, Kierchermillen, Lenglerlach, Op Kneiff, Pafemillen (Fünfbrunnen/Cinqfontaines) un Schmëdd

Geografi

Ëlwen lyt im Norde vu Luxeburg an dr Gränz zue Belgie. Uf em Baan vu Ëlwen liige di beede hegschte Hebige im Land: d Buergplaz (558,35 m i. NN) z Huldang un Op Kneiff (560 m i. NN)

Rund 5 km nerdlig vu Ëlwen entspringt d Woltz, wu ab Klierf derno Klierf haißt. Anderi Bäch uf em Baan vu dr Gmai sin Boburen, Brellbaach, Fooschtbaach, Follmillbaach, Haardbaach, Heffbaach, Kléngelbaach, Luckesbaach, Stauwelsbaach, Renkebaach un Weierbaach.

Nerdlig vu dr Ortschaft Ëlwen lyt s Naturschutzbiet Cornelysmillen.

Verwaltig

Ëlwen ghert zum Kanton Klierf im Distrikt Dikrech. Dr Burgermaischter vu Ëlwen isch dr Lucien Majerus. Scheffe sin dr Denis Morn un dr André Pletsch. Gwehlt wird iber e Majorzwahl.

Bevelkerigsentwicklig

Johr	1821	1851	1871	1880	1890	1900	1910	1922	1930
Yywohner	444	769	801	738	688	685	708	669	585
Johr	1935	1947	1960	1970	1981	1991	2001	2002	2003
Yywohner	512	493	488	512	574	633	831	853	872
Johr	2004	2005	2006	2007	2008	2009	2010	2011
Yywohner	888	867	888	905	976	1007	1032	1027

Gschicht

Ëlwen isch zum erschte Mol gnännt wore anne 1353 as Ulvelingen. Im 17. Johrhundert isch Ëlwen e bekannte Pilgerort gsii, anne 1641 isch e Franziskanerchloschter grindet wore.

Bis zum 28. Dezämber 1908 het d Gmai Kierchen ghaiße.

Im Chloschter Pafemillen isch ab 1941 in dr Zyt vu dytsche Bsatzig s sognännt „Jüdische Altersheim“ unterbrocht gsii, e Sammellager fir di luxeburgische Jude fir d Deportation in d Konzentrationslager. Hite mahnt e Dänkmol un e Informationsdafele an d Deportation un d Ermordig vu dr Luxeburger Jude.

Dialäkt

Dr luxeburgisch Dialäkt vu Ëlwen ghert zum Moselfränkisch.

Böuwärch

• Chilche Hl. Andreas (1640), di alt Chilche vum Franziskanerchloschter
• Chilche Beesslek
• Chilche Kierchen
• Chilche Wilwerdang
• Chloschter Pafemillen, grindet anne 1904 vu dr Härz-Jesu-Prieschter (Dehonianer)

• 
  Chilche Hl. Andreas, Ëlwen
• 
  Chilche Beesslek
• 
  Chilche Kierchen
• 
  Chilche Wilwerdang
• 
  Kléngelbaach
• 
  Stauwelsbaach
• 
  Wolz (Klierf)
• 
  d Buergplaz z Huldang
• 
  Dänkmol z Pafemillen fir di ermordete Jude

Literatur

• Andreas Pflock: Auf vergessenen Spuren. Ein Wegweiser zu Gedenkstätten in den Niederlanden, Belgien und Luxemburg, herausgegeben von der Bundeszentrale für politische Bildung, Bonn 2006

Weblink

 Commons: Troisvierges – Sammlig vo Multimediadateie

• www.troisvierges.lu