Zweidimensional

Us der alemannische Wikipedia, der freie Dialäkt-Enzyklopedy

Dr Begriff zweidimensional, abkürzt 2D oder 2-D bezieht sich uf en Ebeni oder e mathematisch definierti Flechi - im Gegesatz zu rüümlige Strukture, wo dreidimensional (3D) si.

D Schriibwiis 2-D isch noch em Dude die einzigi erlaubti Form, aber si isch nonig allgemein verbreitet.

Zweidimensional bedütet, ass jede Punggt vom ene Objekt zwei Zahlenagobe für si Position bruucht – also z. B. (x, y) für d Agob vo siiner Lag uf ere Zeichnig oder in eme ebene Koordinatesystem.

Vo 2,5D oder 2½D redet mä, wenn in Datebangge e dritti Dimension (z. B. d Höchi) nit as Koordinate, sondern as Attribut vo de Datepünggt verspiicheret wird.