Zitronenfalter

Zitroonefalter

Zitroonefalter
Zitroonefalter (Gonepteryx rhamni), ♂
Systematik
Chlass: Insekte (Insecta) Ordnig: Falter (Lepidoptera) Familie: Wiislig (Pieridae) Underfamilie: Gelblig (Coliadinae) Gattig: Gonepteryx Art: Zitroonefalter
Wüsseschaftlige Name
Gonepteryx rhamni
(Linnaeus, 1758)

De Zitroonefalter (Gonepteryx rhamni) isch e groosse Summervogel.

Verbraitig

De Zitroonelfalter chunnt i ganz Europa vor usser z Nordirland, z Schottland und im nördliche Skandinavie. Er lebt am Waldrand und i Auewälder, aber au uf de Haide und bivorzugt chalchhatlige Bode. Er suugt vor alem a de Blüete vo Bluetwaierich (Lythrum salicaria), Gundrääbe (Glechoma hederacea), Törnli (Ajuga reptans) und Tistle (Carduus).

Uussie

De Zitroonefalter werd 30 mm lang und het e Spannwiiti vo 50 bis 60 mm. Mandli sind zitroonegeel, Wiibli geelgrüe und eender blass. Baid Gschlecht hend e chliine oraasche Tupfe i de Mitti vo de Flügel.

Jooreszyklus

Raupe vom Zitroonefalter

Puppe vom Zitroonefalter

De Zitroonefalter wacht im März us de Winterstarri uuf. Endi April tüend si sich paare und d Aier wered ainzeln uf d Blätter vom Fuulbomm (Frangula alnus) oder Chrütztorn (Rhamnus sp.) glait. D Raupe schlüffet noch zee Taag und verpuppet sich nocheme Monet. D Puppe hanget a de Äst vom Fuulbomm und de Falter schlüüfft noch zwoo Wuche afangs Juli. Er lait i de Hundstääg e Summerpause ii. Noch de grosse Hitz flüügt er wider bis in Oktober ine, und tuet denn ufem Bode i türem Laub, i Brubeeristude oder i Holzbiigene öberwintere.

Raupe

D Raupe werd 35 mm lang und grüe mit vile fiine schwarze Tüpfli. Si isch uf de Fuulbaum (Frangula alnus) spezialisiert.

Literatur

• Hans-Josef Weidemann: Tagfalter: beobachten, bestimmen. Naturbuch-Verlag, Augsburg 1995, ISBN 3-894-40115-X. 
• Günter Ebert, Erwin Rennwald (Hrsg.): Tagfalter I (Ritterfalter (Papilionidae), Weißlinge (Pieridae), Edelfalter (Nymphalidae)). In: Die Schmetterlinge Baden-Württembergs. Band 1, Ulmer Verlag, Stuttgart 1993, ISBN 3-8001-3451-9. 

Weblink

 Allmänd (Commons): Zitronefalter – Album mit witere Multimediadateie

• Lepiforum e. V. Foto und Taxonomi
• www.schmetterling-raupe.de
• Moths and Butterflies of Europe and North Africa (englisch)
• Naturkundliches Informationssystem
• Gonepteryx rhamni bi Fauna Europaea