Wikipedia:Tutorial/1

Us der alemannische Wikipedia, der freie Dialäkt-Enzyklopedy

	Wikipedia-Tutorial
	zruck | 1 | 2 | 3 | 4 | witer

Bearbeite und abspeichere

Mr fange a mit em wichtigste Merchmol vo me Wiki: Die Site bearbeite. Jedi Wikipedia-Site hät obe in de Leiste und bi jedem Absatz e Gleich Syte bearbeite. Dodemit chasch d Site bearbeite, wo dr grad druff bisch. Säll isch s Konzäpt, wo mer "Wiki" nännt: Jedi und jeder cha alles bearbeite. D Änderige ßin sofort für alli sichtbar. Wenn dr i me Artikel e Fehler findsch, no chasch en sofort korrigiere:

Klick uff "Syte bearbeite" ganz obe am Bildschirmrand, um de ganz Artikel z bearbeite.
Wenn dr numme ei Abschnitt ändere wottsch, no klicksch uff s Gleich ändere näbe de Überschrift.
'S goht e Bearbeitigsfänschter mit Tekscht und Zeiche zur Formatierig uff. Säll verstohsch uff Ahieb: gang mit em Cursor an d Stell, wo dr öbbis ändere wottsch, und bearbeit de Tekscht.
Gibb im Tekschtfäld Zämmefassig a, was dr gändert häsch - zum Bispyl "Tippfehler". Wenn dr de Tekscht erwitert häsch, no sottsch d Quälle age. Wenn dr meh wie numme e Wort oder e Zahl verbessert häsch, no klick zerscht uff Vorschau zeige und kontrollier, ob s Ergebnis wirklig eso isch, wie dr's ha wottsch, erscht denoch uff Syte spychere. Mr mache alli Fehler und mit de Vorschau-Funktion isch's eifach, si sofort z finde. Wenn dr's dir agwöhnsch, sälli Funktion z benutze, bevor dr abspeichersch, no wirsch dir sälber und andere Benutzer vyl Ärger erspare! Mänki Benutzer dien au bi chleinere Änderige jedes Mol zwüschespeichere. Verbotte isch des zwar nit, hät aber au sini Nochdeil: D Versionsgschicht wird unübersichtlig. De Server wird wäge höcherer Züegriffszahl belastet. S Sichte (Kontrolliere) wird miehsamer, wyl jedi Änderig einzeln als gsichtet markiert werre müeß. Di Letschte Änderige werre unübersichtliger. Speicher drum bitte nit noch jedem einzelne Satz ab; du häsch gnüeg Zit!

Zum e Gfiehl fürs Bearbeite vo Site z kriege, git's de Sandchaste: Er isch zum Usprobiere do; wenn dr dört öbbis falsch machsch, no isch es nit schlimm. Am beste, dr machsch die Site jetz i me neue Fänschter oder Tab uff - des goht mit vyle Browser mit me Rächtsklick oder mit STRG+Klick bzw. Shift+Klick.

Probier's mol us!
Wenn dr jetz do“ klicksch, no sihsch de Quälltekscht vom Sandchaste. Dört häsch Platz zum dich mit me Graffiti verewige, öbbis Lustigs schrybe oder eifach numme Grüezi sage.

Witer im Tutorial.