Hilfe:Benutzerkonto anlegen

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Mit eme choschtelose Benutzerkonto chunnsch Du ne feschte Benutzername iber fir d Alemannisch Wikipedia un dodermit au fir alli Projäkt vu dr Wikimedia Foundation . Unter däm Name erschyne derno Dyyni Byträg, wänn Di aagmäldet hesch. S isch nit uubedingt notwändig, mer cha fascht alli Funktione vu dr Wikipedia au ohni Benutzername bruche. S git aber einewäg e paar Vorteil, wämer e eige Benutzerkonto het.

Do chasch e Benutzerkonto aalege

Benutzerkonto aalege iber e sichere Server

Vorteil[ändere | Quälltäxt bearbeite]

  • Du chunnsch e Benutzersyte iber, wu Du Di chasch druf vorstelle, e Diskussionssyte, wu anderi chenne Kontakt zue Dir ufnee - z. B. wänn Dir eber will syy Hilf aabiete oder Di uf ebis hiiwyse will - un d Megligkeit, Artikel uf e Untersyte z stelle, voreb Du vereffentligsch, ass Du si in Rueh chasch bearbeite un verbessere.
  • Du chunnsch e Beobachtigslischt iber, wu Änderige aazeigt an Artikle, wu Di inträssiere.
  • Du chasch s Erschyynigsbild un d Funktionalität vu dr Wikipedia an Dyyni Winsch aapasse, z. B. chasch (no vier Täg) uuswehle, eb Dir zerscht di nejscht gsichtet Version oder di nejscht „Entwurfs-Version“ vun eme Artikel aazeigt wird.
  • Meh Anonymität: Statt Dyynere IP-Adräss wird in dr Versionsgschicht un in dr effentlige Logdateie nume Dyy Benutzername aazeigt (Dyy IP-Adräss wird aber einewäg gspycheret, lueg Wikipedia:Checkuser).
  • Du chasch in Diskussione mit eme Name unterschryyben.
  • Du chasch (no vier Täg) Artikel verschiebe.
  • Du chasch (no vier Täg) halbgsperrti Syte wie bearbeite.
  • Du chasch (no vier Täg) Dateie uffelade, liis doderfir s Bildertutorial, no besser isch s, wänn Du Dyyni Dateie diräkt uf d Allmänd (Commons) uffeladsch (dodefir bruchsch kei seperati Aamäldig).
  • Du chasch noch ere gwisse Aazahl vu Artikel-Bearbeitige sälber Fäldhieter wäre.

Nochteil[ändere | Quälltäxt bearbeite]

  • Alle unter Dyym Benutzername durgfierte Änderige chenne vu jedem ufglischtet un nochverfolgt wäre. Dodrus chennte villicht au Ruckschliss uf Dyy Identität zoge wäre, au wänn Du ne PSeudonym bruchsch (lueg au dr Abschnitt „Benutzername“)
  • Die Date chenne in ere beliebige Art un Wys uusgwärtet wäre, wie z. B. unter Wikipedia:Statistik/Benutzerstatistik.

Benutzername[ändere | Quälltäxt bearbeite]

Wänn Du ne Benutzerkonto aaleisch, sottsch Dir zerscht Gedanke mache iber d Wahl vum s Benutzername: d Wikipedia lyt seli guet im Ranking vu vile Suechmaschine Wäge däm lande Benutzersyte bi dr Seuch noch eme Name vilmol ganz wyt obe in dr Ergebnis. Us dr Byyträg cha mer au vil erfahre iber d Inträsse un d Persenligkeit vun eme Benutzer. Wänn mer des will vermyde, no sott mer us Dateschutzgrind e Pseudonym bruche (lueg au Anonymität). E Bürokraten cha ne Benutzername au wider ändere, aber Diskussionsbyyträg, wu mit em alte Name unbterzeichnet wore sin, mien ufwändig vu Hand gänderet wäre.

E Benutzersyte isch e Syte wie jedi ander Syte in dr Wikipedia un stoht au GNU-Lizänz fir freji Dokumäntation.

Benutzerkonte sotte nit an anderi Lyt wytergee wäre.

Hiiwys zue dr Wahl vun eme Benutzername[ändere | Quälltäxt bearbeite]

As Benutzername cha mer syy ächte Name neh oder au e Spitzname – wie mer s lieber will. Dänk dra, ass aneri Benutzer Di mit däm Name aarede un aaschrybe, unter Umständ au uf eme Träffe.

Bstimmti Benutzernäme sin nit gwinscht un e Konto mit eme sonige Name wird nromalerwysd schnäll wider gsperrt. Doderzue ghere Näme, wu mit eme andere Benutzername, wu s scho git, chenne verwächslet wäre, oder Näme, wu as Beleidigung oder Stalking chenne usfasst wäre. Au Näme, wu politisch problematisch sin, Internetadrässe un Tabuwerter sin nit gwinscht.

Bitte nimm au kei Benutzername, wu s chennt rächtligi Probläm dermit gee. Gib vor allem Acht uf s Namensrächt (Näme vu andere Mänsche, Näme vu Städt, Firme usw.) un s Markerächt (Marke fir Ware oder Dienschtleischtige). Kei geeigneti Benutzernäme sin wäge däm „Günther Oettinger“, „Stadt Bregenz“ oder „Migros AG“ – usser Du hesch s Rächt dää Name z bruche.

Wichtig isch au, ass e Benutzername us tächnische Grind nume mit eme Großbuechstab cha aafange. Wänn Du as erschtes Zeiche ne chleine Buechstab nimmsch, wird er automatisch in e große umgwandlet.

D Benutzernäme, wu s scho git, findsch im Benutzerverzeichnis.

Hiiwys zue dr Passwortwahl[ändere | Quälltäxt bearbeite]

Im e Passwort (Kännwort) fir d Wikipedia derf s au Sonderzeiche haa (gib Acht, ass bstimmti Zeiche nit uf allne Taschtature verfiegbar sin, z. B. git s uf änglische Taschtature d Zeiche ° ² § nromalerwys nit un uf Schwyzer Taschtature git s kei ß. Derzue sottsch e sicher Passwort neh, wu vu andere nit lycht cha grote wäre. S derf au nit s glych Wort syy wie dr Benutzername, des wird vum Syschtem automatisch abgwise (syt em 26. April 2007).

Fähler bim Aalege vun eme Benutzerkonto[ändere | Quälltäxt bearbeite]

Wänn Du Di regischtiersch uns chunnt e Fählermäldig („Fähler bir Aamäldig“), no cha des dopdra lige, ass es dr Benutzername scho git oder e ähnlige oder Du hesch e verboteni Zeichechette verwändet. Bruchsch Du aber uusgrächnet dää Benutzername, no schryb e E-Mail an info-de@wikimedia.org. Fir s Aalege vu däm Konto bruchts die Aagabe (uf Änglisch):

  1. Gwinschte Benutzername
  2. Begrindig fir dää Benutzername
  3. E-Mail-Adräss, wu s Passwort soll hiigschickt wäre. Des Passwort wird vollautomatisch vum Syschtem aagleit, nume Du persenlig chasch s läse. Niemer, au kei Administrator, het Zuegriff druf.

E Administrator wird Dyyni Bitt priefe un s Benutzerkonto aalege, wänn s kei wichtigi Grind dergege git.

Die Aafroge wäre näbe andere E-Mails vu Hand vum Support-Team bearbeitet, us däm Grund cha s e paar Stund oder au ne paar Täg goh. Bitte haa ne wenig Geduld. Dankschen!

Dateschutz[ändere | Quälltäxt bearbeite]

D Aagab vun ere E-Mail-Adräss bim Aalege vum Benutzerkonto isch frejwillig. D Wikipedia git die E-Mail-Adrässe nit wyter.

Wänn eber syy Passwort vergässe het, no chan ere sich e nejs an d E-Mail-Adräss, wun ere aagee het, schicke loo.

Anderi Benutzer, wu au ne e E-Mail-Adräss aagee hän, chenne Dir iber d Wikipedia Mails schicke, doderby cha dää Benutzer Dyy E-Mail-Adräss aber nit säh. Dr Mail-Empfang vu andere Benutzer cha mer au abstelle iber d Yystellige. Wämer e ail gschickt het, cha dr Empfänger di eige E-Mail-Adräss aber säh. S wird empfohle, e E-Mail-Adräss aazgee, ass mer z. B. bi Bildrächtsprobläm cha aagschribe wäre, au wämer lenger nit in d Wikipedia dryyluegt.

Cookies[ändere | Quälltäxt bearbeite]

Dr Wiki-Server chännt dr Anwander anhand vun eme Cookie, wu mit Hilf vum Browser am Gerät vum Benutzer verwaltet wird. Im Cookie het s e Benutzernummere, wu d Wiki-Software am Server d Yystellige vu dr Benutzer ussenanderhaltet dermit.

Wäge däm mien Cookies aktiviert syy, sunscht chännt s Wiki dr Benutzer nit. Wär Reinigungsprogramm (Clear-) verwändet, wu Cookies automatisch lesche, cha dert normalerwys d Cookies bstimme, wu nit glecht solle wäre (in däm Fall: xl@de.wikipedia.txt).

D Yystellig „Passwort spychere“ uf dr Aamäldigs- un Yystelligssyte spycheret s Passwort (verschlisslet) in eme Cookie. Isch die Option nit uusgwehlt, no muess mer sich noch ere gwisse Zyt, wu mer nit aktiv gsi isch, wider aamälde. Uf effentlige Computer sottsch die Yystellig natyrli nit wehle, wel sich sunscht au anderi Lyt mit Dyym Name chenne aamälde . Uf dr andere Syte git s au ne zytligi Gränz fir e Aamäldig mit eme gspychererte Passwort: Wämer sich nit vu Hand abmäldet, verfallt s Cookie automatisch no 30 Täg.