Weltwassertag

Us der alemannische Wikipedia, der freie Dialäkt-Enzyklopedy
Hops zue: Navigation, Suech
71 % vu dr Ärdoberflechi sin mit Wasser deckt

Dr Wältwasserdag findet syt 1993 alljohr am 22. Merz statt. Syt 2003 wird er vu UN-Water organisiert. Är isch in dr Agenda 21 vu dr UN-Konferänz fir Umwält un Entwicklig (UNCED) z Rio de Janeiro vorgschlaa un vu dr UN-Generalversammlig in ere Resolution am 22. Dezämber 1992 bschlosse wore. Mit dr Johre isch er all wichtiger wore.

D UN ladet ihri Mitglidsstaate derzue yy, dää Dag fir d Yyfierig vu UN-Empfählige z bruche un konkreti Aktionen in ihre Länder z ferere. All Johr ibernimmt aini vu dr vile UN-Agenture, wu zum Thema Wasser schaffe, d Laitig bi dr Ferderig un Koodinierig vu internationale Aktione fir dr Wältwasserdag.

Dr Wältwasserdag 2005 isch unter dr Laitig vu dr UN-Abdailig fir wirtschaftligi un soziali Aaglägehaite (Department of Economic and Social Affairs, UN DESA) gstande un het dr Aafang markiert vum zwaite UN-Johrzehnt „Water for Life – Wasser für das Leben“ (2005–2015).

Näbe dr UN-Mitglidsstaate hän au ne Dail Nitstaatligi Organisatione, wu sich fir sufer Wasser un Gwässerschutz yysetze, dr Wältwasserdag derzue gnutzt, di effetlig Ufmerksamkait uf Wassertheme z länke. Zum Byshpel veraastaltet dr Wältwasserrot, all drei Johr in dr Wuche vum Wältwasserdag e „Wältwasserforum“, wu vor allem kritischi Pinkt in dr Vordergrund gstellt wäre wie ass ai Milliarde Mänsche kai Zuegang zue sichertem un suferem Wasser het oder ass in vile Regione uf dr Wält, wu s Wassermangel het, d Fraue mien go Drinkwasser hole.

Z Dytschand wird syter 2000 all zwai Johr am Wältwasserdag vu dr Naturfrynd un vum Dytsche Anglerverband d „Flusslandschaft vum Johr“ un syt 2011 all Johr vum Umwältbundesamt dr „Gwässertyp vum Johr“gchirt.

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Weltwassertag“ vu de dütsche Wikipedia.

E Liste vu de Autore un Versione isch do z finde.