Wellensittich

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wellesittich
Wellesittiche (Melopsittacus undulatus)
Systematik
Chlasse Vögel (Aves)
Ornig: Papegeie (Psittaciformes)
Familie: Eigetlichi Papegeie
(Psittacidae)
Unterfamilie Plattschweifsittiche (Platycercinae)
Gattig: Wellesittiche (Melopsittacus)
Art Wellesittich
Wisseschaftlicher Namme
Melopsittacus undulatus
(Shaw 1805)

Wällesittich si än Art vo chliine Papageie und wärde vil in Chäfig as Huusdier ghalte. Es si soziali Vögel und söte nit einzeln ghalte wärde.

Es git Wällesittich in wiisser, gääler, blauer und griener Farb, aber au gschäcketi und söttigi mit eme Hübli. In dr Natur sinn aber alli grien.

Immer wider bringe Lüt Wällesittich s Schwätze bii, aber richtig schwätze lere si nie - si schwätze nämmlig numme nooch. Abber s ka mängisch passiere, dass e Wällesittich öbbis sait, wo me n em gar nie biibrocht het und denn schtuunt me. D Wüsseschaft vum Wällesittich (die sogenannte Melopsittacologie) lehrt aber, dass das immer und usschliesslich Wörter und Setz sinn, wo dr Vogel emol ghöört haigi.

Es wird in dr Wüsseschaft au diskutiert, öbs nid öbbe schäädlich sigi für e Wällesittich, wenn er Menschesprooch lehri. Bis jetz gits aber kaini aidütige Resultaat.

Allgmeins[ändere | Quälltäxt bearbeite]

Dr Wellesittich (Melopsittacus undulatus) het si Namme vum welleförmige Muster vum Gfiider un isch e Vogelart, wo zue dr Ornig vu dr Papegeie (Psittaciformes) un zue dr Familie vu dr Eigetliche Papegeie (Psittacidae) ghört. Si taxonomischi Stellig innerhalb vu dr Familie isch umstritte.

Verbreitig[ändere | Quälltäxt bearbeite]

Dr Wellesittich chummt ursprünglich us Australie. In Florida isch er emol in grosser Zahl verwilderet, doch isch dr Bestand inzwische drastisch zruckgange. In Mitteleuropa findet mer menkmol Gfangeschaftsflüchtling, wo aber chum dr Winter yberläbe.

Natürliche Läbensruum[ändere | Quälltäxt bearbeite]

In sinere Urheimet, dr australische Grassteppe, ziege d Sittiche wie Nomade vu Wasserstell zue Wasserstell im Räge hinderher. Si läbe in Schwärme un ernähre sich am Bode. In dr Middagshitz un z Naacht ziege si sich uf hochi Baumkrone zruck.

Wellesittich bruete in usghöhlte, alde Baim. Während s Wibli s Gleeg vu öppe vier Eier yber yblicherwiis 18 Däg bis zum Schlupfe bebruetet, wird's vum Männli versorgt. Jungi Wellesittiche sin Nesthocker un werre mit öppe vier bis fümf Wuche flügge.