Valérie Trierweiler
| Dialäkt: Mìlhüüserisch |
D Valérie Trierweiler (* 16. Hornung 1965 z'Angers) ìsch a franzeescha politischa Journàlischta.[1]
Kìndheit un Jugend
[ändere | Quälltäxt bearbeite]Ìhr Fàmìlianàmma ìsch Massoneau. Sa ìsch d Tochter vum Jean-Noël Massonneau, wo mìt 12 Johr waga-n-'ra Miina a Bei verlora ghàà hàt. Wo d Valérie Massonneau 21 Johr àlt gsìì ìsch, ìsch ìhrer Vàter gstorwa; ìhra Müeter hàt dernoh àm Empfàng vu dr Schlìttschüeh-Hàlla vu Angers gschàfft.
D Valérie Massonneau hàt Gschìcht un politischa Wìssaschàft gstudiart. Ànna 1988 hàt sa ìn dr Sorbonne-Universität a DESS bikumma.
Rolla ìn da Media
[ändere | Quälltäxt bearbeite]Sa schàfft àls Journàlischta. Sa hàt ànna 1988 ààgfànga, fer s Blättla „Profession Politique“, wo sa mìt em Gérard Carreyrou gschàfft hat. Ànna 1989 ìsch sa àn „Paris-Match“ igstellt worra, fer ìwer politischa Thema z'schriiwa.
Ànna 2005, wo dr Fernsehsander „Direct 8“ ààgfànga hàt, hàt sa politischa Sandunga gfiahrt, wia „Le Grand 8“, „Politiquement parlant“, „Portrait de campagne“ un „Itinéraires“.
Nawa ìhrem Berüef ìsch sa aui aktiv uf da Soziàlnetzwarka. Àm 12. Juni 2012 hàt sa uf Twitter dr Kàndidàt Olivier Falorni gega dr Ségolène Royal unterstìtzt; dia Meinung ìsch nìt ìn dr offiziella Linia gsìì, un dàs Tweet hàt a kleiner Skàndàl (a „tweetgate“) gaa[2]. Noh dam ìsch sa mehr diskret worra[3].
Trotz àss sa ìhra eigena Kàrriar witterscht màcht, hàt sa aui Pflìcht ààgnumma wo tràdizionnell zu-n-'ra Erschta Dàma gheera, zum Beispiel: Botschàft vu dr „fondation Danielle-Mitterrand“, Reis uf a Spitàl ìm Kongo.
Privàtlawa
[ändere | Quälltäxt bearbeite]Ànna 1995 hàt d Valérie Massonneau dr elsassischa Journàlìscht un Ìwersetzer Denis Trierweiler ghirota. Sa han gscheida ànna 2005, àwer d Valérie Trierweiler hàt si Nàmma doch bhàlta.
Noh hàt sa mìt em François Hollande glabt. Wo-n-'r àm 15. Mai 2012 dr Präsidant vum Frànkrìch gwählt worra ìsch, trotz àss sa nìt mìt em ghirota gsìì ìsch, ìsch d Valérie Trierweiler d "Première Dame" (d Erschta Dàma) worra.
Àm 10. Janner 2014 ìsch a Àffar mìt em Präsidant un mìt dr Schàuispìelera Julie Gayet üssakumma, dur s Blättla „Closer“. Àm 25. Janner 2014 han sìch dr François Hollande un d Valérie Trierweiler offiziell vunànder trennt[4]. Àm 4. Septamber 2014 hàt sa a Büech verräffentligt, wo (uf'ra kritischa Àrt) ìhra Beziehung mìt em François Hollande verzeehlt: „Merci pour ce moment“[5].
Weblink
[ändere | Quälltäxt bearbeite]
Commons: Valérie Trierweiler – Sammlig vo MultimediadateieQualla
[ändere | Quälltäxt bearbeite]- ↑ Journalistin als Première Dame: Valérie Trierweiler - Die Frau an seiner Seite uf n-tv àm 6. Mai 2012 (de)
- ↑ S Tweet zum Olivier Falorni, uf www.lemonde.fr (fr)
- ↑ "Je tournerai sept fois mon pouce avant de tweeter", uf lci.tf1.fr (fr) Archivlink (Memento vom 20. Septämber 2012 im Internet Archive)
- ↑ Trennung vum François Hollande vu dr Valérie Trierweiler, uf http://www.lepoint.fr (fr)
- ↑ Büech „Merci pour ce moment“ ìm Verlàg „Les Arènes“, uf franceinfo.fr (fr)