Ich (lic. phil. Dietrich Michael WEIDMANN, geborä am 23. Mai 1960) bin sit öppä drüü Jaar aktivä Wikipädist in dä Esperanto-Vikipedio. In dä tüütschä und allamanischä Version bin i ersch sit churzäm presänt und voruussichtlich nu mit chiinärä Hiiwiis und Korrekturä odär Ergänzigä. Ich värshtaa mich als Pazifischt und Kosmopolit, gehörä abär keinärä politischä Partei aa. I dä 80-är Jaar bi ich aktiv i dä Zürchär Jugädbewegig und Redaktor vom Iisbrächer und spötär Brächise gsi. 1982 bin i zum Bahá'í-Glaubä konvertiärt und sither niä meh inärä politische Partei gsii. 1975 han i Esperanto glernt und bin ziitwiis Generalsekretär vom Esperanto-Weltjungendbund gsii. Hüt bini zämä zsämme mit dä Mireille Grosjean Präsident vo dä Schwizärischä Esperanto-Gesellschaft.
Ich bin in zweitär Eh verhüratät und ha us denä beidä Ehä je zwei Töchtärä. Bräuflich bini Sprachwüssänschaftlär und ha mis Studium a dä Universität Zürich 1988 mit äm Lizenziat vo dä philosophischä Fakultät I als Sprachwüssäschaftlär, Germanist und Literaturwüssäschaftler abgschlossä und ha dänn als wüssäschaftlichä Mitarbeitär vo dä Gerling-Akedemie für Risikoforschig und als Dozänt für tüütschi Literaturgeschicht und Übersetzigstheorie an dä SAL (Schuäl für agwändäti Linguistik) gschaffät. Hüt leit ich s'Übersetzigsbüro Allsprachendienst Esperanto GmbH in Züri.
