Thomas Stearns Eliot

Us der alemannische Wikipedia, der freie Dialäkt-Enzyklopedy
T. S. Eliot (1934)
Underschrift vom T.S. Eliot

Dr Thomas Stearns Eliot (* 26. September 1888 z St. Louis, Missouri, USA; † 4. Januar 1965 z London) isch en änglischsprochige Lyriker, Dramatiker und Kritiker gsi, wo as ein vo de bedütendste Verdräter vo der literarische Modärne gültet. Im Johr 1948 het er dr Literaturnobelpriis übercho.

Läbe[ändere | Quälltäxt bearbeite]

T.S. Eliot. Zeichnig vom Simon Fieldhouse.

Dr Eliot isch z St. Louis/USA as Sohn von enere agsehene Bostoner Familie uf d Wält cho. Zerst het er z Harvard, spöter an dr Sorbonne z Paris Mathematik, Philosophii und europäischi und asiatischi Sproche studiert. 1911 isch er as Doktorand an d Harvard-Universität zrugg, bevor er 1914 ändgültig noch Europa gangen isch. Si ersti Station dört isch Marburg gsi, won er e Feriekurs vo dr Universität gnoh het. Wo dr Erst Wältchrieg agfange het, isch er zerst noch London und schliesslig noch Oxford züglet. In dere Ziit het er siis erste bedütende Gedicht The Love Song of J. Alfred Prufrock veröffentlicht.

Z Ängland het er zerst as Bankagstellte gschafft. Denn isch er Diräkter vom ene agsehene Verlag worde. 1915 het er d Vivienne Haigh Wood ghürotet. Uf ere Reis nach Paris im Johr 1920 isch er em James Joyce begegnet, und si si Fründ worde spöter. 1922 het er die literarischi Ziitschrift Criterion gründet. Im gliiche Johr isch si ersts Hauptwärk, s Värsepos Das wüste Land (dr änglisch Originaltitel isch The Waste Land) erschiine, und er het dr Dial-Priis für bsonderi Verdienst um die amerikanischi Literatur übercho und isch eso uf ei Chlapf berüehmt worde.

1927 het dr Eliot die britischi Staatsbürgerschaft agnoh und isch dr Church of England biidräte. In dere Zeit isch er betont britisch ufdräte. Das isch sowiit gange, ass er sich en änglischen Akzent zuedo het. Vili Aspäkt vo dr amerikanische Tradition het er abglehnt. Er isch aber in d USA zrugg für e Ziit und het dört zwei Johr z Harvard Underricht ge.

1935 het er s Drama Murder in the Cathedral veröffentligt. Im Lauf vo de nechste zwei Johrzähnt het er verschiideni Essay usege und 1944 s bedütende lyrische Wärk Four Quartets. 1952 isch dr T. S. Eliot Präsident vo dr Londoner Bibliothek worde.

Im Lauf vo de Johr het er vili Ehredoktertitel übercho, under anderem vo dr Sorbonne, dr Yale University, Oxford und Münche. Bis churz vor sim Dod het er no meh Essays und Drame veröffentlicht, drunder The Confidential Clerk und The Elder Statesman.

Dr T.S. Eliot isch am 4. Januar 1965 im Alter vo 76 Johr z London gstorbe.

Wärk[ändere | Quälltäxt bearbeite]

Lyrik[ändere | Quälltäxt bearbeite]

  • Prufrock and other Observations, 1917
  • Ara Vos Prec (1919)
  • The Waste Land (dt. Das wüste Land), 1922
  • Ash Wednesday (dt. Aschermittwoch), 1930
  • Marina, 1930
  • Old Possum's Book of Practical Cats (dt. Old Possums Katzenbuch), 1939 (1981 vertont as Musical Cats)
  • East Coker, 1940
  • Burnt Norton, 1941
  • The Dry Salvages, 1941
  • Little Gidding, 1942
  • Four Quartets (dt. Vier Quartette), 1943

Dramene[ändere | Quälltäxt bearbeite]

  • Sweeney Agonistes, 1932
  • The Rock, 1934
  • Murder in the Cathedral (dt. Mord im Dom), 1935
  • The Family Reunion (dt. Ein Familientag), 1939
  • The Cocktail Party (dt. Die Cocktailparty), 1950
  • The Confidential Clerk (dt. Der Privatsekretär), 1954
  • The Elder Statesman (dt. Ein verdienter Staatsmann), 1959

Kritik[ändere | Quälltäxt bearbeite]

  • The Sacred Wood, 1920
  • Andrew Marvell, 1922
  • Homage to John Dryden, 1924
  • Shakespeare and the Stoicism of Seneca, 1927
  • For Lancelot Andrews: Essays on Style and Order, 1928
  • Dante, 1929
  • Tradition and Experiment in Present-Day Literature, 1929
  • Thoughts After Lambeth, 1931
  • John Dryden, 1932
  • The Use of Poetry and the Use of Criticism, 1933
  • After Strange Gods, 1934
  • Elizabethan Essays, 1934
  • Essays Ancient and Modern, 1936
  • The Idea of a Christian Society, 1939
  • Britain at War, 1941
  • Points of View, 1941
  • The Classics and The Man of Letters, 1942
  • Notes Towards the Definition of Culture (dt. Beiträge zum Begriff der Kultur), 1949
  • Poetry and Drama, 1951
  • The Three Voices of Poetry, 1954
  • Religious Drama: Mediaeval and Modern , 1954
  • On Poetry and Poets (dt. Dichter und Dichtung), 1957
  • Knowledge and Experience in the Philosophy of F. H. Bradley, 1964 (Erstdrugg vo dr Dissertation vo 1916)
  • The Varieties of Metaphysical Poetry, 1994 zum erste Mol veröffentligt

Literatur[ändere | Quälltäxt bearbeite]

  • Kenneth Asher: T. S. Eliot and Ideology. Cambridge 1995, ISBN 0-521-45284-8
  • Ronald Bush: T. S. Eliot. Oxford 1983, ISBN 0-19-503376-0
  • Joseph Chiari: T. S. Eliot – Poet and Dramatist. New York 1979, ISBN 0-87752-218-9
  • A. G. George: T. S. Eliot – His Mind and Art. Bombay 1962
  • Anthony Hands: Sources for the Poetry of T. S. Eliot. Oxford 1993, ISBN 0-86054-761-2
  • Anthony Julius: T. S. Eliot, Anti-Semitism, and Literary Form. Cambridge 1995
  • William Skaff: The Philosophy of T. S. Eliot. Philadelphia 1986, ISBN 0-8122-8017-2

Weblink[ändere | Quälltäxt bearbeite]

 Commons: T.S. Eliot – Sammlig vo Multimediadateie