Thierry Henry

Thierry Henry
Spiilerinformatione
Name	Thierry Daniel Henry
Geburtstag	17. August 1977
Uf d Wält cho z	Les Ulis, Frankriich
Grössi	188 cm
Position	Stürmer
Vereinsinformatione
Verein	FC Barcelona
Trikotnummere	14
Verein in der Jugend
1990–1992 1992–1993	INF Clairefontaine FC Versailles
Verein als Aktive1
Johr	Verein	Spiil (Gool)
1993–1998 1998–1999 1999–2007 2007–	AS Monaco Juventus Turin FC Arsenal FC Barcelona	105 0(20) 16 00(3) 254 (174) 3000(12)
Nationalmannschaft2
1997–	Frankriich	102 0(45)
1 Aage si nume Liga-Spiil.  Stand: 27. Juni 2008 2Stand: 27. Juni 2008

Dr Thierry Daniel Henry isch am 17. Ougschtä 1977 z'Les Ulis (Paris) uf d Wält cho. Sini Mueter stammt aber ursprünglech us Martinique und si Vater us Gudeloupe. Är isch Schütteler u spiut mit der Nummere 12 aus Stürmer für di französischi Nationaumanschaft u mitem 14näni für Arsenal London. Är füehrt die ewägi beschtä Lischte aus Top Scorer bi dä Gunners a.

Karriere

Dr Henry het scho geng gwüsst gha, das är möcht Schütteler wärde und isch 1990 itz französische Trainigszentrum gange. Ab 1993 het dr Thierry de füre AS Monaco afa spile, eis Jahr später het är de sis Debut ir französische Liga gha. Näne ischr abr de 1999 zu Juve gange, dete hetr abr aus Verteidiger müesse spile und isch nie so richtig glückläch gsy, drum het no im Winter zu Arsenal gwächslet. Dört het är jedi Saison mindischtens 17 Goals gschosse und isch dr erfolgrichscht Stürmer wo dä Verein jemaus het gha. Wo dr letscht Mätsch im Highbury, das isch z aute Stadion vo Arsenal, isch gsy, het Henry z letschte Goal gschosse und isch näne abeknöilet und het aus symbolischi Geste dr Rasä küsst. Är isch scho zwöi mau aus beschtä Schütteler vom Jahr bir Fifa nominiert gsi u isch vom Pelé aus eine vo dä 125 beschtä läbende Fuessbauer bezeichnet worde.

Nöis

Am 19. Mai hett är, nach länge Spekulatione wonä mitem spanische FC Barcelona hei i Verbindig bracht hei, gseit, das är für immer möcht bi Arsenal spile, wilsi im Championsleague Final 2005 wosi gäge Barcelona hei verlore, härz zeigt heigä und das är die Arsenalfans niemaus chönnti verlah. Näne het är bi Arsenal ä Vertrag für witeri vier Jahr (auso bis 2012) unterschribe. Die spanische Klüb Barcelona und Real Madrid heige 50mio. botte, wener hätti gwächslet, wär är zum türschte spiler worde...

Familie u Fründe

Dr Henry isch vo 2003 bis 2007 mitem änglische Topmodel Nicole Merry (aso eigentlich heisst sie ja Claire Henry) verhüratet gsi und het o e chini Tochter, Tea Henry. Mit sinenere Familiä het är in New Hampstead in Ängland gläbt. Är het e ganz töifi Fründschaft zum französische Nationalspiler David Trezeguet, die beide heisech kenneglernt, wo dr denn 17-jährig Trezeguet zu Monaco isch cho.

Qualitäte

Sini Sterchine si nid nume sini enormi Gschwindigkeit, sondern o sini fasch perfekti Technik und sis vilsitige Spiu. Är wird aus eine vo dä beschte Schütteler uf dr Wäut agluägt.

Saison 2006/07

ir premier league isch dr henry zäme mit arsenal immer so ufem vierte platz, gäge die grosse Kaliber wie chelsea und manU chömesi eifach no nid ganz häre. d championsleague isch für arsenal u somit o füre Thierry leider scho wider fertig, sie si gäge holländisch Klub eindhoven usegheit. Wägere Verletzig wosech dr Thierry währendem zwöite spiu gäge eindhoven het zuechezoge isch sini ganzi Saison praktisch scho fertig-är cha drü Mönet nümme spile!

Titel und Erfolg

In dr Nationalmannschaft

• Jugendeuropameischter: 1996
• Weltmeischter: 1998
• Europameischter: 2000
• Confederations-Cup: 2003
• Vize-Weltmeischter: 2006

Im Verein

• Französischer Meischter: 1997 (AS Monaco)
• Trophée des Champions: 1997 (AS Monaco)
• Englischer Meischter: 2002, 2004 (FC Arsenal)
• FA Cup: 2002, 2003, 2005 (FC Arsenal)
• FA Community Shield]]: 2002, 2004 (FC Arsenal)
• Copa del Rey: 2009 (FC Barcelona)
• Spanischer Meischter: 2009 (FC Barcelona)
• Champions-League-Siger: 2009 (FC Barcelona)
• Spanischer Supercupsiger: 2009 (FC Barcelona)
• Europäischer Supercupsiger: 2009 (FC Barcelona)
• FIFA-Klub-Weltmeischterschaft: 2009 (FC Barcelona)

Individuellí Erfolg/Ehrige

• Französischer Fuessballer vom Jahr: 2000, 2003, 2004, 2005, 2006
• Englischer Fuessballer vom Jahr: 2003, 2004, 2006
• Onze d'or: 2003, 2006
• Premier-League-Torschützechönig: 2002, 2004, 2005, 2006
• Goldener Schueh vo dr UEFA: 2004, 2005

Netzgleicher (Weblinks)

 Allmänd (Commons): Thierry Henry — Witeri Mulitimediadateie zum Artikel

• Datenblatt bi l'Équipe