Thierry Henry
| Thierry Henry | ||
| ||
| Personalia | ||
|---|---|---|
| Name | Thierry Daniel Henry | |
| Wänn uf d Wält choo | 17. Ouguscht 1977 | |
| Wo uf d Wält choo | Les Ulis, Frankriich | |
| Größi | 188 cm | |
| Position | Stürmer | |
| Junioren | ||
| Johr | Station | |
| 1983–1989 | CO Les Ulis | |
| 1989–1990 | US Palaiseau | |
| 1990–1991 | ES Viry-Châtillon | |
| 1991–1992 | INF Clairefontaine | |
| 1992–1993 | FC Versailles | |
| 1993–1994 | AS Monaco | |
| Herre | ||
| Johr | Station | Spil (Tor)1 |
| 1994–1997 | AS Monaco B | 31 (7) |
| 1994–1998 | AS Monaco | 105 (20) |
| 1999 | Juventus Turin | 16 (3) |
| 1999–2007 | FC Arsenal | 254 (174) |
| 2007–2010 | FC Barcelona | 80 (35) |
| 2010–2014 | New York Red Bulls | 135 (52) |
| 2012 | → FC Arsenal (Leihe) | 4 (1) |
| Nationalmannschaft | ||
| Johr | Uuswahl | Spil (Tor) |
| 1992–1993 | Frankreich U15 | 4 (3) |
| 1993–1994 | Frankreich U16 | 8 (4) |
| 1994–1995 | Frankreich U17 | 11 (10) |
| 1995–1996 | Frankrych U18 | 13 (6) |
| 1996–1997 | Frankrych U19 | 9 (5) |
| 1997–1998 | Frankrych U20 | 11 (7) |
| 1997–1999 | Frankrych U21 | 6 (1) |
| 1997–2010 | Frankrych | 123 (51) |
| Statione als Trainer | ||
| Johr | Station | |
| 2016–2018 | Belgie (Co-Trainer) | |
| 2018–2019 | AS Monaco | |
| 2020– | Montreal Impact | |
| 1 Aagää sind nur Ligaspiil. Stand: Kariereändi | ||
Dr Thierry Daniel Henry isch am 17. Ougschtä 1977 z'Les Ulis (Paris) uf d Wält cho. Sini Mueter stammt ursprünglech us Martinique und si Vater us Gouadeloupe. Är isch en emalige Schütteler u het mit der Nummere 12 aus Stürmer für di französischi Nationaumanschaft u mitem 14ni für e FC Arsenal gspiut. Är füehrt die ewigi Beschtä Lischte aus Top Scorer bi dä Gunners a.
Karriere
[ändere | Quälltäxt bearbeite]Dr Henry het scho geng gwüsst gha, das är möcht Schütteler wärde und isch 1990 itz französische Trainigszentrum gange. Ab 1993 het dr Thierry de füre AS Monaco afa spile, eis Jahr später het är de sis Debut ir französische Liga gha. Näne ischr abr de 1999 zu Juve gange, dete hetr abr aus Verteidiger müesse spile und isch nie so richtig glückläch gsy, drum het no im Winter zu Arsenal gwächslet. Dört het är jedi Saison mindischtens 17 Goals gschosse und isch dr erfolgrichscht Stürmer wo dä Verein jemaus het gha. Wo dr letscht Mätsch im Highbury, das isch z aute Stadion vo Arsenal, isch gsy, het Henry z letschte Goal gschosse und isch näne abeknöilet und het aus symbolischi Geste dr Rasä küsst. Är isch scho zwöi mau aus beschtä Schütteler vom Jahr bir Fifa nominiert gsi u isch vom Pelé aus eine vo dä 125 beschtä läbende Fuessbauer bezeichnet worde.
Nöis
[ändere | Quälltäxt bearbeite]Am 19. Mai hett är, nach länge Spekulatione wonä mitem spanische FC Barcelona hei i Verbindig bracht hei, gseit, das är für immer möcht bi Arsenal spile, wilsi im Championsleague Final 2005 wosi gäge Barcelona hei verlore, härz zeigt heigä und das är die Arsenalfans niemaus chönnti verlah. Näne het är bi Arsenal ä Vertrag für witeri vier Jahr (auso bis 2012) unterschribe. Die spanische Klüb Barcelona und Real Madrid heige 50mio. botte, wener hätti gwächslet, wär är zum türschte spiler worde...
Familie u Fründe
[ändere | Quälltäxt bearbeite]Dr Henry isch vo 2003 bis 2007 mitem änglische Topmodel Nicole Merry (aso eigentlich heisst sie ja Claire Henry) verhüratet gsi und het o e chini Tochter, Tea Henry. Mit sinenere Familiä het är in New Hampstead in Ängland gläbt. Är het e ganz töifi Fründschaft zum französische Nationalspiler David Trezeguet, die beide heisech kenneglernt, wo dr denn 17-jährig Trezeguet zu Monaco isch cho.
Qualitäte
[ändere | Quälltäxt bearbeite]Sini Sterchine si nid nume sini enormi Gschwindigkeit, sondern o sini fasch perfekti Technik und sis vilsitige Spiu. Är wird aus eine vo dä beschte Schütteler uf dr Wäut agluägt.
Saison 2006/07
[ändere | Quälltäxt bearbeite]Ir premier league isch dr Henry zäme mit Arsenal immer so uf em vierte platz, gäge die grosse Kaliber wie Chelsea und ManU chöme si eifach no nid ganz häre. D championsleague isch für Arsenal u somit o füre Thierry aber scho wider fertig gsi, si si gäge de holländisch klub Eindhoven usegheit. Wägere verletzig, wo sech dr Thierry während em zwöite spiu gäge Eindhoven het zuechezoge, isch sini ganzi saison praktisch scho fertig gsi, är het drü Mönet nümme chönne spile!
Titel und Erfolg
[ändere | Quälltäxt bearbeite]In dr Nationalmannschaft
- Jugendeuropameischter: 1996
- Weltmeischter: 1998
- Europameischter: 2000
- Confederations-Cup: 2003
- Vize-Weltmeischter: 2006
Im Verein
- Französische Meischter: 1997 (AS Monaco)
- Trophée des Champions: 1997 (AS Monaco)
- Englischer Meischter: 2002, 2004 (FC Arsenal)
- FA Cup: 2002, 2003, 2005 (FC Arsenal)
- FA Community Shield: 2002, 2004 (FC Arsenal)
- Copa del Rey: 2009 (FC Barcelona)
- Spanische Meischter: 2009 (FC Barcelona)
- Champions-League-Siger: 2009 (FC Barcelona)
- Spanische Supercupsiger: 2009 (FC Barcelona)
- Europäische Supercupsiger: 2009 (FC Barcelona)
- FIFA-Klub-Weltmeischterschaft: 2009 (FC Barcelona)
Individuellí Erfolg/Ehrige
- Französische Fuessballer vom Jahr: 2000, 2003, 2004, 2005, 2006
- Englische Fuessballer vom Jahr: 2003, 2004, 2006
- Onze d'or: 2003, 2006
- Premier-League-Torschützechönig: 2002, 2004, 2005, 2006
- Goldige Schueh vo dr UEFA: 2004, 2005
Weblink
[ändere | Quälltäxt bearbeite]
Commons: Thierry Henry – Sammlig vo Multimediadateie