Terpsichore

Us der alemannische Wikipedia, der freie Dialäkt-Enzyklopedy
D Terpsichore, Stich vom Virgil Solis us P. Ovidii Metamorphosis (1562)
D Terpsichore,
Gmäld vom Jean-Marc Nattier (1739)

D Terpsichore (altgriech. Τερψιχόρη „ die Danzfröidigi“ – spööter bsundrigs d „Muse vo dr Danzkunst“; d Betoonig isch im Latiinische und im Dütsche uf em i: Terpsichore) isch äini vo de nüün Muse, wo alli Döchder vom Zeus und dr Mnemosyne si.[1] Si isch d Muse vo dr Chorlürik und vom Danz. Mänggi antiki Schriftsteller häi dänggt, ass iire Naame drvo chiem, ass si iiri Liebhaber mit de Verfüerige wurd vergnüege, wo vo dr Gleersamkäit chömme.[2] Si häig zerst s Danze und denn noch andere Schööne Künst d Wüsseschafte erfunde.[3] Iire Naame chunnt vo de griechische Wörter τέρπω „erfröije“[4] und χορός „Danz“[5]. In däm Sinn findet mä iire Naame au hüte no in de Nääme vo Danzsportveräin.

In e baar Kwelle wird si as d Mueter vo de Sirene mit em Flussgott Acheloos aagluegt.[6]

Terpsichore wird as e Nümfe im ene liichte Chläidli und eme Bluemechranz uf em Chopf abbildet, as Jumpfere wo danzt oder sitzt. Iiri Attribut si e Lyra und e Plektrum.

Weblingg[ändere | Quälltäxt bearbeite]

 Commons: Terpsichore – Sammlig vo Multimediadateie

Fuessnoote[ändere | Quälltäxt bearbeite]

  1. Apollodor libri I. c. 14.
  2. Diod. Sicul. l. IV. c. 7. p. 150.
  3. Schol. Apollon ad Argon. l. III. v. 1.
  4. Wilhelm Pape: Handwörterbuch der griechischen Sprache. Bd. 2: Λ–Ω. Bearbeitet von Max Sengebusch. 3. Auflage. Vieweg & Sohn, Braunschweig 1914, S. 1094f
  5. Wilhelm Pape: Handwörterbuch der griechischen Sprache. Bd. 2: Λ–Ω. Bearbäitet vom Max Sengebusch. 3. Uflaag. Vieweg & Sohn, Braunschweig 1914, S. 1366
  6. Apollodor libri IV. v. 895.
Dä Artikel basiert uff ere fräie Übersetzig vum Artikel „Terpsichore“ vu de dütsche Wikipedia. E Liste vu de Autore un Versione isch do z finde.