Tōhoku-Erdbeben 2011

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Charte vu dr Bidem vum 11.-13.03.2011

S Tōhoku-Ärdbidem 2011 oder Sendai-Ärdbidem 2011 (jap. Tōhoku-chihō Taiheiyō-oki Jishin, 東北地方太平洋沖地震, „Ärdbidem an dr Pazifikkischte vor dr Region Tōhoku“) isch e groß Ärdbidem vor dr Kischte vu dr japanische Region Tōhoku gsii. S het sich am 11. Merz um 14:46:23 Uhr Ortszyt (5:46:23 Uhr UTC, also 6:46:23 Uhr MEZ) eraignet. S Epizentrum isch rund 370 km nordeschtli vu Tokio un 130 km eschtli vu Sendai gläge. S giltet as s sterkscht Bidem z Japan syt em Aafang vu dr Ärdbidemufzaichnige in dr Region.

D Sterki vum Ärdbidem isch vu dr automatische Uuswärtig United States Geological Survey mit dr Momente-Magnitude 8,9 Mw aagee wore. S Hypozentrum vum Ärdbidem isch no däne in rund 24 km Diefi gläge.[1] No Aagabe vu dr Japan Meteorological Agency het s Bidem e Sterki vu 9,0 Mw gha; fir s Hypozentrum hän si di nämlig Region un di nämlig Diefi aagee.[2] No dr Aagabe vum Pacific Tsunami Warning Centers (PTWC) het s Bidem e Sterki vu 9,1 gha.[3]

S Ärdbidem het e mehreri Meter hoche Tsunami uusglest, wu bis zue 10 km landyynezues Verwieschtige hinterloo het.

S Bidem het z Kurihara im Norde vu dr Präfektur Miyagi di maximal Intensität vu 7 uf dr JMA-Skala erraicht.[4][5] S het zue schwäre Iberschwämmige un zue Havarie bi Chärnchraftwärch im Nordoschte vu Japan gfiert.

Es hed mehreri Nachbäbe med me als 7 uf de Richterskala ghä.

Tektonischer Iberblick[ändere | Quälltäxt bearbeite]

Tektonischer Iberblick vu dr Region

S Ärdbidem in dr Nechi vu Honshū isch e Folg vun ere Iberschiebig an dr komplizierte Blattegränze zwische dr Pazifische Blatte un dr Nordamerikanische Blatte. In däm Berych bewegt sich di Pazifisch Blatte mit ere Gschwindigkait vu durschnittli 83 mm pro Johr in Bezug uf di Nordamerikanisch Blatte no Weschte.

Die Gschwindigkait vu dr Kontinentaldrift isch e Durschnittswärt, wu bin ere normale saismische Aktivitet dytli niderer lyt, bis d Spannig, wu sich ufböut, zmols dur e Ärdbidem freigee wird. Bim Sendai-Ärdbidem isch no erschte Schetzige zuen ere ruckartige Bewegig vu zmindescht fimf Meter chuu.[6]

Am Japangrabe schiebt sich di Pazifisch Blatte unter dr sidligscht Uuslaifer vu dr Nordamerikanische Blatte un subduziert zämme mit ere swyter no Weschte unter di Eurasisch Blatte. E Dail Saismologe unterdaile die Region in mehreri Mikroblatte, wu in dr Kombination zue dr Bewegige zwische dr Pazifische, Nordamerikanischen un Eurasische Blatte fiere, vor allem di Ochotskisch Mikroblatte un d Amur-Mikroblatte.

Syt 1973 het s am Japangrabe nyy Ärdbidem gee mit ere Magnitude greßer wie 7. S sterkscht dervu het s im Dezämber 1994 gee mit ere Sterki vu 7,8 mit Epizentrum rund 230 km nerdli vum Sendai-Ärdbidem[7]

Vor- un Noobidem[ändere | Quälltäxt bearbeite]

Em Ärdbidem sich e Serie vu signifikante Vorbidem voruusgange. Aagfange het s am 9. Merz mit eme Ärdbidem mit dr Magnitude 7,2 Mw[8] (s Epizentrum isch do rund 40 km ewäg gläge vum Epizentrum vum Tōhoku-Bidem), gfolgt vu drei sytere Ärdbidem mit ere Magnitude greßer wie 6,0 Mw am nämlige Dag.

S erscht signifikant Noobidem mit ere Magnitude vu 7,2 Mw het s am 14:53 Uhr Ortszyt gee, gfolgt vu wytere Noobidem mit Magnitude iber 6 Mw. Bishär het s iber 400 Noobidem gee.

Tsunami[ändere | Quälltäxt bearbeite]

S Ärdbidem het dr grescht Tsunami syt 1100 Johr in dr Gschicht vu Japan uusglest, wu ne bis zue 10 km braite Kischtestraifen iber hunderti Kilometer Lengi verwieschtet het. Bedroffe isch di gsamt Nordoschtkischte vu dr Insle Honshū mit dr Präfekture Fukushima, Miyagi un Iwate in dr Region Tōhoku gsi. Schwäri Verwieschtige het s au gee in dr Stedt Hachinohe, Kamaishi, Kesennuma, Minamisanriku, Rikuzentakata, Onagawa[9] un Sendai[10].

Folge[ändere | Quälltäxt bearbeite]

Dur s Ärdbidem sälber het s zerscht relativ wenig Doti gee, dur d Uuswirkige vu dr Tsunamis sich d Zahl scho am Frytig zimli aagstige. Gnaui Aagabe lige nonig vor, s wird mit iber 10.000 Dote grächnet.

Derzue sin vil Mänsche verletzt wore un vil wäre no vermisst. Am 13. Merz isch vu rund 400.000 Persone brichtet wore, wu hän chenne flichte odr wu evakuiert wore sin. D Beherde hän am glyche Dag mitdailt, ass iber 3.000 Persone grettet bzw borge wore sin.

Chärnenergiaalage[ändere | Quälltäxt bearbeite]

As Folg vum Ärdbidem isch dr Bedrib in e baar japanische Chärnchraftaalagae beyydrechtigt wore. No Aagabe vu dr Internationale Atomenergi-Organisation (IAEO/IAEA) un vum Japan Atomic Industrial Forum (JAIF) sin elf Reaktorbleck in vier Atomchraftwärch abgschalte wore.[11][12] Bedroffe gsi sin d Aalage Fukushima I (Fukushima Daiichi) mit drei laufende Bleck, Fukushima II (Fukushima Daini) mit alle vier Bleck, Tōkai mit aim Block un Onagawa mit alle drei Bleck. No dr Abschaltig sin in fimf vu dr elf Reaktore Sterfäll im Chielchraislauf ufdrätte. In dr Reaktorbleck 1 un 3 vum Chärnchraftwärch Fukushima I isch s zue Wasserstoff-Explosione chuu, wu di usser Hille vu dr Reaktorbleck zerstert hän.[13] D Sicherhaitshille vum Reaktorchärn soll aber in beede Fäll no ganz syy. Fir d Reaktorbleck 1 un 3 vum Chärnchraftwärch Fukushima I wird e partielle Chärnschmelzi aagnuu.[14] S handlet sich in allne Fäll um Siedewasserreaktore.[15]

Di japanisch Regierig het zem erschte Mol in dr Gschicht vu Japan dr atomar Notstand uusgruefe.[16]

Wel in dr Umgääbig vu Fukushima I radioaktiv Cäsium un Iod gmässe woren isch, was uf e Beschädigung vum Reaktorchärn hiiwyst, isch di gsamt Bevelkerig im Umchrais vu 20 km evakuiert wore, insgsamt rund 170.000 Mänsche.[17]

Weblink[ändere | Quälltäxt bearbeite]

 Allmänd (Commons): Sendai-Erdbebe 2011 – Sammlig vo witere Multimediadateie

Einzelnochwiis[ändere | Quälltäxt bearbeite]

  1. Magnitude 8.9 – NEAR THE EAST COAST OF HONSHU, JAPAN (englisch). United States Geological Survey (11. März 2011). Abgrüeft am 11. März 2011.
  2. The 2011 off the Pacific coast of Tohoku Earthquake ~first report~. Japan Meteorological Agency, 2011-03-13. Abgrüeft am 2011-03-13. (en)
  3. Star Advertiser, 11. März 2011
  4. NHK News: Intensitätsverteilung
  5. Kishō-chō (engl. JMA): Erdbebenbericht: Hypozentrum und Intensitäten (japanisch, englisch)
  6. Interview im Deutschlandfunk mit dr Dagmar Röhrlich
  7. USGS: Magnitude 8.9 – Near The East Coast Of Honshu, Japan (engl.)
  8. Beben lässt Gebäude in Tokio wanken. In: sueddeutsche.de. 2011-03-09. Abgrüeft am 2011-03-13. (de)
  9. Number of dead, missing rises to 1,400. In: Daily Yomiuri Online. Yomiuri Shimbun-sha, 2011-03-13. Abgrüeft am 2011-03-13. (en)
  10. Tsunami-Katastrophe in Japan: Regierung erklärt Notstand in Atomanlage. Spiegel.de. Abgrüeft am 11. März 2011.
  11. Schnellabschaltung mehrerer Kernreaktoren nach Erdbeben in Japan. In: Nuklearforum Schweiz. 2011-03-12. Abgrüeft am 2011-03-12.
  12. A massive earthquake struck north-eastern Japan, NPSs in the region automatically shut down. In: Japan Atomic Industrial Forum (JAIF). 2011-03-11. Abgrüeft am 2011-03-11.
  13. White smoke around the Fukushima Daiichi Nuclear Power Station Unit 3. In: Tokyo Electric Power Company (TEPCO) Press Release. 2011-03-14. Abgrüeft am 2011-03-14.
  14. Possible meltdown in nuclear plants, say officials. In: NDTV. 2011-03-13. Abgrüeft am 2011-03-13.
  15. Japan: Nuclear Power Reactors. In: International Atomic Energy Agency (IAEA). 2011-03-14. Abgrüeft am 2011-03-14.
  16. Japan initiates emergency protocol after earthquake. In: Nuclear Engineering International. 2011-03-11. Abgrüeft am 2011-03-11.
  17. IAEA update on Japan Earthquake uf dr Websyte vu dr Internationale Atomenergi-Organisation vum 12. Merz 2011, 21:10 Uhr (CET); änglisch, abgruefen am 12. Merz 2011.
Dä Artikel basiert uff ere fräie Übersetzig vum Artikel „Tōhoku-Erdbeben_2011“ vu de dütsche Wikipedia.

E Liste vu de Autore un Versione isch do z finde.