Systemtheorie

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D'Sischdemtheorie isch ä inderdisziblinärs Erkenndnismodell, wo Sischdeme dezue raziäge dud, um underschiedlich komplexi Phänomene z'bschriibe un z'ergläre. S'Analisiere vun Strukture un Funkzione soll Vorhersooge iwwers Verhalte vum Sischdem ermegliche.

D'Begriffe vun de Sischdemtheorie sin in underschiedlichi Wisseschafte ogwendet worre, zum Biischpiel in die Informatik, de Elektrotechnik, de Pädagogik, de Chemie, de Biologie, de Logik, de Mathematik, de Soziologie, de Ethnologie un de Philosophie. Somit isch d'Sischdemtheorie kei eigeschdändig Disziplin, sundern ä heterogener Roome fir än interdiszplinärer Diskurs, wo de Begriff Sischdem ols Grundkonzept fihre dud. Wägge dem gits au nit ei Sischdemtheorie, sundern viili underschiedlichi Sischdemdefinizione un -konzepte, wo monchmol sogar mitenonder konkurriere due.

Grundlage[ändere | Quälltäxt bearbeite]

De Begriff Allgmeine Sischdemtheorie geht uff de Biolog Ludwig von Bertalanffy zrick. Ihm sinni Arbeite bilde zemme mit de Kybernetik (Norbert Wiener, William Ross Ashby) un de Informazionstheorie d'Grundlage vun sellem Wisseschaftsoosatz. Weitere wichtige Theorie schdamme vum Humberto Maturana un vum Francisco Varela (Autopoiesis), vum Stuart Kauffman (Selbschdorganisazion), vum Bronislaw Malinowski un vum Alfred Radcliffe-Brown (Funkzionalismus), vum Talcott Parsons (Sischdemfunkzionalismus) un vum Niklas Luhmann (soziologischi Sischdemtheorie).

Wichdigi Schdrömunge[ändere | Quälltäxt bearbeite]

D'Sischdemtheorie beruht uff unobhängig vunenonder endwickelde Osätz, wo schbäder synthetisiert un erweiderd worre sin. De Ludwig von Bertalanffy het als erschder de Begriff "Sischdemtheorie" iigfiehrt. In sinnere Theorie gehts um d'"organisch Komplexidäd", wo de dynamische Ussdausch mit de Umwelt bschriibe soll. Onderi Iiflüss sin vun de Kybernetik kumme.