Stefan Uroš IV. Dušan

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Stefan Uroš IV. Dušan
Car Dušan, Manastir Lesnovo, XIV vek, Makedonija.jpg
Regierigsziit 8. Septämber 1331 – 16. April 1346 as Köönig vo Serbie
16. April 1346 – 20. Dezämber 1355 as Kaiser vo de Serbe und Grieche
Uf d Wält cho öbbe 1308
Gstorbe 20. Dezämber 1355 (im Alter vo 47)
Dodesort Devoll
Begrabe Häilige Erzängel Chloster, Prizren. (Noch 1927 in dr Häilige Markus Chille, Belgrad)
Vorgänger Stefan Uroš III. Dečanski, Köönig vo Serbie
Nochfolger Stefan Uroš V., Kaiser vo de Serbe und Grieche
Verhürotet mit Helena vo Bulgarie
Vater Uroš III.
Mueter Theodora Smilets vo Bulgarie

Dr Stefan Uroš IV. Dušan dr Gwaltigi (serb. Silni), au Stefan Dušan oder Nemanjitsch IX., (* 1308; † 20. Dezämber 1355) isch Herrscher vo Serbie gsi und het vo 1331 bis 1355 regiert.

Si Noochfolger uf em serbische Droon isch si Sohn Stefan Uroš V., gnennt „dr Schwachi“, gsi.

Lääbe[ändere | Quälltäxt bearbeite]

Dr Stephan Dušan isch us em serbische Aadelshuus vo de Nemanjide gstammt, wo 1192 d Herrschaft übernoo het. Doorum het men em au Nemanjitsch IX. gsäit. 1331 het er dr Droon vo sim Vater usurbiert und het sich mit dr Understützig vo Aadlige sälber zum Köönig vo Serbie erhoobe. Am 8. Septämber het er sich z Skopje kröönt. Er het bis 1355 regiert und isch dr mächdigsti Köönig im südöstlige Öiropa gsi. Er het sich as Generaal, Regänt und Gsetzgääber uusedoo. D Hauptstadt vo sim Riich isch Prizren gsi, denn vo 1345 aa, won er sich zum Zar vo de Serbe und Rhomäer erhoobe het, Skopje. Si Regierigszit gältet hüte as s Goldige Zitalter vo Serbie.

Litratuur[ändere | Quälltäxt bearbeite]

  • Slavomir Nastasijevič: Stefan Dušan. Narodna Knjiga, Belgrad 1987, ISBN 86-331-0230-7.

Weblingg[ändere | Quälltäxt bearbeite]

 Allmänd (Commons): Stefan Uroš IV. Dušan – Sammlig vo witere Multimediadateie